Chris Sasner
Chris Sasner is een van die Afrikaanse skrywer Gert Basson se vele skuilname. Gert Cornelius Basson (*1932, Brakpan – ) is 'n joernalis, skrywer en uitgewer wat onder verskeie skuilname, onder meer Chris Sasner, Gert Basson, Dirk de Beer, Cor Lindeque, Hugo le Rouz, Danz Cloete, Gert Cornelius en Lindeque de Beer (samesteller) skryf. Hy woon tans saam met sy vrou Cillah op Swellendam.
Hy was as hoofuitgewer verbonde aan die Swellendamse uitgewershuis Hartbees. As joernalis was hy verbonde aan die tydskrifte Avontuur/Die Lewe, Nongqai/Servamus, assistent-redakteur van Die Suidwester en redakteur van die jeugtydskrif Patrys. As uitgewer was hy hoof van belletrie van Voortrekkerpers/Perskor, bestuurder: Perskorboekklubs, bestuurder-uitgewer: Juventus, Femina en Folio; hoofuitgewer J.P. van der Walt tot met sy uittrede in 1998. Hy doen ook vryskutwerk vir koerante en skryf kortverhale onder sy eie en skuilname vir verskeie tydskrifte.[1]
Skryfwerk
wysigOnder die skuilnaam Chris Sasner publiseer Basson die gewilde Swart Kat jeugverhaalreeks. Die reeks handel oor 'n doodgewone 12-jarige seun genaamd Borrie Veldt en sy geheime stryd teen misdaad wat in die middernagtelike ure op sy BMX-fiets en met sy kettie as wapen gevoer word. Die reeks wat in die tagtigerjare verskyn het, is ook deur die SAUK in 'n TV-reeks wat tussen 1985–1995 uitgesaai is, omskep.[2] In 2012 het Protea Boekhuis die eerste boek van die jeugverhaalreeks, Die Swart Kat slaan neer heruitgegee met nuwe moderne illustrasies deur die kunstenaar Willem Samuel.[1] Sedertdien het die hele reeks met 'n moderne baadjie verskyn.[3][4]
Publikasies
wysig| Jaar | Titel van publikasie |
|---|---|
| 1982 | Die Swart Kat slaan neer, en ander avonture
Die Swart Kat slaan 'n ster, en verdere avonture |
| 1983 | Die Swart Kat slaan 'n noot, en ander avonture |
| 1986 | Die Swart Kat slaan 'n nar, en ander avonture |
| 1987 | Die Swart Kat slaan 'n vos, en verdere avonture |
- Die reeks word sedert 2012 heruitgegee deur Protea Boekhuis met illustrasies deur Willem Samuel.
Sien ook
wysigVerwysings
wysigBoeke
wysigSnyman, M. 2005. Gert Basson. In: Wybenga, G. & Snyman, M. Van Patrys-hulle tot Hanna Hoekom: 'n gids tot die Afrikaanse kinder- en jeugboek. Pretoria: LAPA Uitgewers.
Ander verwysings
wysig- ↑ 1,0 1,1 Protea Boekuis: http://protea.bookslive.co.za/blog/2012/06/01/eerste-boek-in-die-gewilde-swart-kat-reeks-heruitgegee-die-swart-kat-slaan-neer/ Geargiveer 25 Maart 2017 op Wayback Machine
- ↑ Walker, H. 2013. http://www.thesouthafrican.com/the-top-10-south-african-childrens-tv-shows-from-days-gone-by/
- ↑ "argiefkopie". Geargiveer vanaf die oorspronklike op 29 November 2017. Besoek op 26 September 2016.
- ↑ van der Watt, M. 2013: http://www.litnet.co.za/die-swart-kat-slaan-n-vos-toeganklik-vir-die-moderne-jong-leser/