Gevlekte valkvis

Die Gevlekte valkvis (Cirrhitichthys aprinus) is 'n vis wat voorkom in die Indiese- en Stille Oseaan gebied, die ooskus van Afrika suidwaarts tot by die suide van KwaZulu-Natal. In Engels staan die vis bekend as die Paletail hawkfish.

Gevlekte valkvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cirrhitidae
Genus:	Cirrhitichthys
Spesie:	C. aprinus
Binomiale naam
Cirrhitichthys aprinus (Cuvier, 1829)

Identifikasie

Die vis word tot 10 cm lank en sy lyf is wit met onreëlmatige klein tot groot, rooi tot bruin vlekke op. Die vlekke strek oor die hele lyf, tot by die dorsale vin. Die dorsale vin het 'n wit rand met donker kolle op die kieue deksel en die stertvin het geen kolle op nie.

Hulle leef in aflandige koraal- en rotsriwwe in water wat 15 tot 50 m diep is. Die vis is 'n alleenloper maar kom ook soms in klein groepies bo koraal koppe of rots voor. Hulle vreet klein vissies en ongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Cirrhitichthys aprinus by Fishbase.