Daniël Cornelis Boonzaier
Daniël Cornelis Boonzaier (bekend as D.C. Boonzaier[1] of D.C. Boonzaaier;[2] 1865–1950) was 'n Suid-Afrikaanse kunstenaar en spotprenttekenaar wat waardering van binne en buite Suid-Afrika ontvang het. Oor sy loopbaan van 50 jaar het hy 'n merkwaardige reeks karikature en politieke spotprente gelewer. Hy was bekend as Die Burger se spotprentkunstenaar en veral as die skepper van Hoggenheimer. [2] Sy opvolger by Die Burger was T.O. Honiball.
D.C. Boonzaier | |
|---|---|
 | |
| Gebore | Daniël Cornelis Boonzaier 11 November 1865 |
| Sterf | 20 Maart 1950 |
| Nasionaliteit | Suid-Afrika |
| Beroep | Kunstenaar |
| Bekend vir | Spotprente |
| Kinders | Gregoire Boonzaier |
Lewensloop
wysig
Boonzaier is op 11 November 1865 op 'n Karoo-plaas buite Carnarvon gebore. Hy word arm groot, maar slaag daarin om homself te kwalifiseer. Hy kry werk in die Kaapse Staatsdiens, en publiseer sy eerste spotprent in 1884.
In 1889 bedank by van die staatsdiens om 'n professionele spotprenttekenaar te word. Sy prente is in verskeie publikasies in die Kaapkolonie, insluitend die The Cape en The Owl, gepubliseer. In 1903 word hy die eerste permanente spotprenttekenaar van 'n Suid-Afrikaanse koerant (South Africa News).[3]
Boonzaier was Die Burger se spotprenttekenaar sedert die stigting daarvan 1914 tot 1940. Van sy beroemdste skeppings was die miljoenêr, Hoggenheimer, as die inkarnasie van die Johannesburgse mynmagnaat en bobbejaan, Kees, op sy paal wat Suid-Afrika simboliseer.[1]
Sy seun was die skilder Gregoire Boonzaier. Hy was ook die mentor van jonger kunstenaars soos Pieter Wenning.
Boonzaier is op 20 Maart 1950 in Kaapstad oorlede. Hy was 84 jaar oud.
Verwysings
wysig- ↑ 1,0 1,1 Ensiklopedie van Suidelike Afrika, Eric Rosenthal, 1967.
- ↑ 2,0 2,1 HAT Taal-en-feitegids, Pearson, Desember 2013, ISBN 978-1-77578-243-8
- ↑ Berman, Esmé (1983). Art and Artists of South Africa. Cape Town: A. A. Balkema. pp. 66–67. ISBN 0-86961-144-5.