Desi Bouterse
Desiré Delano Bouterse (13 Oktober 1945 - 24 Desember 2024[1]) was 'n voormalige Surinaamse militêre leier en staatshoof, asook die Nasionale Demokratiese Party (NDP) se voorsitter.
| Desi Bouterse | |
 Desi Bouterse in 2010 | |
8ste President van Suriname
| |
| Ampstermyn 12 Augustus 2010 – 16 Julie 2020 | |
| Vise | Robert Ameerali Ashwin Adhin |
|---|---|
| Voorafgegaan deur | Ronald Venetiaan |
| Opgevolg deur | Chan Santokhi |
President pro tempore van die Unie van Suid-Amerikaanse Nasies
| |
| Ampstermyn 30 Augustus 2013 – 4 Desember 2014 | |
| Voorafgegaan deur | Ollanta Humala |
| Opgevolg deur | José Mujica |
Voorsitter van die Nasionale Militêre Raad
| |
| Ampstermyn 25 Februarie 1980 – 27 November 1987 | |
| President | Johan Ferrier Henk Chin A Sen Fred Ramdat Misier |
| Voorafgegaan deur | Nuwe amp |
| Opgevolg deur | Amp afgeskaf |
Persoonlike besonderhede
| |
| Gebore | 13 Oktober 1945 Domburg, Suriname |
| Sterf | 24 Desember 2024 (op 79) |
| Politieke party | Nasionale Demokratiese Party (NDP) |
| Eggenoot/-note | Ingrid Figueira (tot 1990) Ingrid Waldring (1990-2024) |
| Kind(ers) | Peggy, Dino, Jen-ai |
| Religie | Pinksterbeweging |
Bouterse se naam word vereenselwig met die militêre bewind wat Suriname van 1980 tot die begin 1990's beheer het. Op 25 Februarie 1980 het 'n militêre junta onder leiding van Bouterse 'n staatsgreep in Suriname uitgevoer. Hoewel die President in sy pos behou is, was die Voorsitter van die Nasionale Militêre Raad onder Bouterse die de facto heerser totdat hy in 1988 bedank het. Hy was self die President in 1982.
Bouterse was 'n leidende figuur in die burgeroorlog wat na-onafhanklikheidswording in Suriname uitgebars het en word blameer vir die sogenaamde Desember-moorde in 1982. Hy is ook beskuldig van betrokkenheid by dwelmhandel, en 'n Nederlandse hof het hom in absentia skuldig bevind aan onwettige kokaïenhandel in Julie 1999. Hy was steeds woonagtig in Suriname en kon nie uitgelewer word aan Nederland nie, vanweë sy status as voormalige staatshoof.
Na die oorgang tot burgerlike regering, wat deur onderskeidelik Ronald Venetiaan, Jules Wijdenbosch en later weer Venetiaan gelei is, het Bouterse onsuksesvol gepoog om staatshoof te word in die algemene verkiesings.
Hoewel Bouterse in Nederland skuldig bevind is, was hy steeds op vrye voet in Suriname. Die Surinaamse regering is tans onsuksesvol besig om die Desember-moorde en Bouterse se rol daarin te ondersoek. Hy ontken enige betrokkenheid aan die moorde.
By die verkiesings van 2010 is Bouterse verkies tot president van Suriname. Hy was president tot 2020, toe sy party die verkiesing verloor het en Chan Santokhi van die VHP president geword het.
Vonnis en dood
wysigBouterse is op 29 November 2019 deur die Surinaamse krygsraad tot twintig jaar tronkstraf gevonnis vir die Desember-moorde. Hy het egter teen sy skuldigbevinding geappelleer, en het vry gebly, afwagtend die appèluitspraak in Desember. Hy het nie vir die uitspraak opgedaag nie en het daarna weggekruip.[2]
Desi Bouterse is op 24 Desember 2024 in die ouderdom van 79 oorlede na 'n kort siekbed by sy skuilplek.[3]
Verwysings
wysig- ↑ "BOUTERSE 72 JAAR: "Als je moe bent ga je slapen"". Dagblad Suriname (in Nederlands). Besoek op 13 Julie 2020.
- ↑ "Desi Bouterse definitief veroordeeld tot 20 jaar cel voor Decembermoorden" (in Nederlands). nos.nl. 20 Desember 2023.
- ↑ "Ex-president Desi Bouterse overleden" (in Nederlands). De Ware Tijd. 25 Desember 2024.
Eksterne skakels
wysig
Wikimedia Commons het meer media in die kategorie Desi Bouterse.
