Die tweede slaapkamer
Die Tweede Slaapkamer is 'n Afrikaanse rolprent wat op 1 Januarie 1962 vrygestel is. Die film handel oor 'n jonggetroude paartjie, wat vertolk word deur Susan Cloete en Jaco van der Westhuizen. Die twee verhuur hul spaarkamer aan 'n reeks eienaardige loseerders om ekstra geld te verdien. Gordon Vorster was beide die regisseur en draaiboekskrywer van die prent gewees.
| Die Tweede Slaapkamer | |
|---|---|
| Regisseur | Gordon Vorster |
| Draaiboek | Gordon Vorster |
| Met | Susan Cloete Jaco van der Westhuizen Gert van den Bergh |
| Musiek deur | Edward Howes Otto Snel |
| Kinematografie | John C. Brown |
| Redigeerder | Peter Grossett |
| Ateljee | Suid-Afrikaanse Rolprentproduksies |
| Uitgereik | 1 Januarie 1962 |
| Speeltyd | 87 minute |
| Land | Suid-Afrika |
| Taal | Hoofsaaklik Afrikaans met Engelse dialoog |
| IMDb-profiel | |
Genre
wysigDie rolprent is 'n komiese spanningsprent.
Hoofrolspelers
wysig- Susan Cloete as Maxie le Roux
- Jaco van der Westhuizen as Johan le Roux
- Gert van den Bergh
- Dale Swanepoel
- Christo Gerber
- Nicky Caras (aka Nicolette Caras)
- Pat Gill
- Ralph Loubser
- Len Lindeque
- George Canes
- Arthur Swemmer
- Wena Naudé
- Elsa Fouché
- Willem Loots
- Ernest Budricks
- Dulcie van den Bergh
- Douglas Fuchs
- Frances Fuchs
- Lourens Schultz
Storielyn
wysigMaxie en Johan le Roux verhuur hulle spaarkamer vir 'n ekstra inkomste, maar die loseerders is eksentriek en almal kom met hulle eie probleme. Die eerste huurder, Gysbert Papenfus is 'n abstrakte skilder wat van sy vrou se toorn probeer ontsnap, maar word uiteindelik na sy huis teruggesleep. Die volgende huurder, MC de Kort is 'n rokjagter, maar toe Johan agterkom hy flirt agter Maxie aan, skop hy hom summier uit. Johan besluit om die kamer aan twee professionele dansers te verhuur, maar die keer raak Maxie sommer vinnig van hulle ontslae. Daarna trek die beleefde Kariba van Dyk in, en die Le Rouxs glo hulle probleme is vergoed verby. Kariba is 'n talentvolle kok en pianis, en help selfs vir Johan met sy bouplanne. Maar dit word gou duidelik kan Kariba aan sielkundige probleme ly. Een aand, nadat sy onwetend amper vir Maxie verwurg het, besluit die Le Rouxs dat dit maar beter is om sonder enige bywoners klaar te kom.
