Disa spathulata

plantspesie

Die Oupa-Met-Sy-Pyp (Disa spathulata) is 'n meerjarige plant en geofiet wat tot die genus Disa behoort en deel is van die fynbos en renosterveld. Die plant is endemies aan die Noord-Kaap en die Wes-Kaap. Dit kom van Nieuwoudtville, suidwaarts tot by Bredasdorp en ooswaarts tot by Touwsrivier voor. Graanverbouing het groot gedeeltes van die plant se habitat oorgeneem veral by Caledon, Worcester, Tulbagh, Ceres en Piketberg. Die oorblywende plante groei tussen geploegde lande, boorde en op padskouers. Die presiese stand van die spesie is tans onbekend en sal eers bepaal kan word na 'n omvattende ondersoek.

Oupa-Met-Sy-Pyp
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eensaadlobbiges
Orde: Asparagales
Familie: Orchidaceae
Subfamilie: Orchidoideae
Genus: Disa
Spesie:
D. spathulata
Binomiale naam
Disa spathulata
(L.f.) Sw., (1800)
Sinonieme
  • Herschelia spathulata (L.f.) Rolfe
  • Herschelianthe spathulata (L.f.) Rauschert
  • Orchis spathulata L.f.
  • Satyrium spathulatum (L.f.) Thunb.

Daar is twee subspesies:

  • Disa spathulata subsp. spathulata
  • Disa spathulata subsp. tripartita (Lindl.) H.P.Linder

Galery wysig

Bronne wysig