Nkupe

Die Nkupe (Distichodus mossambicus) is 'n varswatervis wat in die middel en onderste gedeeltes van die Zambezirivier en die Pungwe- en Buziriviere voorkom. In Engels staan die vis ook bekend as die Nkupe.

Nkupe
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Characiformes
Familie:	Citharinidae
Genus:	Distichodus Müller & Troschel, 1844
Spesie:	D. mossambicus
Binomiale naam
Distichodus mossambicus Peters, 1852

Voorkoms

Die vis se lyf is diep en dun met 'n vetvin agter die dorsale vin. Die stertvin is gevurk en grootliks bedek met skubbe. Die kop is plat en konkaaf gevorm. Die volwasse visse is donker olyfkleurig, amper swart en die onvolwasse visse is silwer met 6 -7 donker, breë vertikale strepe oor die lyf. Die vis word 570 mm lank. Die Zimbabwe-hengelrekord is 7,555 kg en die Malawirekord is 5,47 kg.

Habitat

Die vis verkies die hoofstrome van groter riviere. Hulle is omnivore en vreet 'n verskeidenheid voedsel insluitende insekte, slakke, klein vissies en waterplante. Hulle broei in die somer en beweeg dan stroomop na geskikte neste. Die vis is belangrik vir bestaansvissers.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Skelton, Paul: A Complete Guide to the FRESHWATER FISHES of Southern Africa.. 2001. ISBN 978-1-86872-643-1

Eksterne skakel

• Distichodus mossambicus by FishBase