Duisternooientjie

Die Duisternooientjie (Stegastes fasciolatus) is 'n vis wat voorkom in die Stille Oseaan, die Indiese Oseaan, meer spesifiek aan die ooskus van Afrika suidwaarts tot by die noorde van KwaZulu-Natal. In Engels staan die vis bekend as die Dark damsel.

Duisternooientjie
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Stegastes
Spesie:	S. fasciolatus
Binomiale naam
Stegastes fasciolatus (Ogilby, 1889)

Identifikasie

Die vis word tot 15cm lank. Die vis het 'n lang lyf en die kleur varieer afhangende in watter geografiese area dit voorkom. In die Indiese Oseaan is die vis gewoonlik bruin met donker streep op elke skub se rant wat die persepsie van vertikale lyne op die lyf gee. Daar mag ook 'n helder blou streep onder die oog voorkom. Die stertvin se basis is lig en die agterkant van die dorsale-, anale- en stertvinne is liggeel. Dit mag afwesig wees in ander areas.

Die vis leef in koraal- en rotsriwwe in water wat 1 tot 30m diep is, gewoonlik diepier as 10m. Hulle is gewoonlik alleenlopend en sterk territoriaal van aard. Die vis is skaars.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.se/summary/Stegastes-fasciolatus.html