Elizabeth Bowes-Lyon
Elizabeth Bowes-Lyon (Elizabeth Angela Marguerite; 4 Augustus 1900 – 30 Maart 2002) was van 1936 af die gade van koning George VI, tot met sy dood in 1952. Daarna was sy bekend as koningin Elizabeth die koninginmoeder[1][2][3] om verwarring te voorkom met haar dogter, Elizabeth II. Voor haar man die troon bestyg het, van 1923 tot 1936, was sy bekend as die Hertogin van York.
| Elizabeth Bowes-Lyon | |
|---|---|
| Koningin-gemalin van die Verenigde Koninkryk; Keiserin-gemalin van Indië | |
 Die koningin in 1939.
| |
| Vorstehuis | Windsor |
| Titels | HM die Koningin-moeder HM die Koningin HKH die Hertogin van York HKH lady Elizabeth Bowes-Lyon Die agbare Elizabeth Bowes-Lyon |
| Regeer | 11 Desember 1936 – 6 Februarie 1952 |
| Kroning | 12 Mei 1937 |
| Volle naam | Elizabeth Angela Marguerite Bowes-Lyon |
| Gebore | 4 Augustus 1900; Londen of Hitchin |
| Oorlede | 30 Maart 2002 (op 101); Windsor |
| Begrawe | 9 April 2002; St. George-kapel, Windsor |
| Eggenoot | Koning George VI |
| Kinders | Elizabeth II Prinses Margaret, Gravin van Snowdon |
| Vader | Claude Bowes-Lyon, 14de Graaf van Strathmore en Kinghorne |
| Moeder | Cecilia Cavendish-Bentinck |
Elizabeth was ’n afstammeling van koning Robert I van Skotland en koning Hendrik VII van Engeland, maar was volgens die Britse wet ’n burgerlike. Sy het George V se huweliksaanbod twee keer van die hand gewys en was glo huiwerig om die opofferings te maak om ’n lid van die koninklike familie te word.[4] Ná ’n lang hofmakery het sy hom eindelik die jawoord gegee.[5]
In 1936 het haar man onverwags koning geword toe haar swaer Edward VIII geabdikeer het om te kan trou met sy minnares, Wallis Warfield Simpson, wat twee keer geskei was. As gemalin van die koning het Elizabeth haar man voor die Tweede Wêreldoorlog op diplomatieke reise na Frankryk en Noord-Amerika vergesel. Tydens die oorlog het sy met haar skynbaar onblusbare gees die moreel van die Britse volk verhoog: As ’n propaganda-instrument het Adolf Hitler haar beskryf as "die gevaarlikste vrou in Europa".[6] Ná die oorlog het haar man se gesondheid agteruitgegaan en hy is dood toe sy 51 was.
Sy was nog die volgende 50 jaar gewild terwyl ander lede van die koninklike familie wisselende grade van gewildheid geniet het. Dit was eers ná die dood van haar jongste dogter, prinses Margaret, dat dit gelyk het asof sy agteruitgaan. Sy is sewe weke ná prinses Margaret dood, op 101-jarige ouderdom.
Wapen
wysigSy het drie verskillende wapens gehad, wat almal gewys het dat sy die vrou van die hertog van York of die vrou van die koning was. Nadat sy met die hertog van York getrou het, het haar wapen bestaan uit haar man se wapen aan die heraldiese regterkant van die skild en haar pa se wapen aan die heraldiese linkerkant.
 |
 |
_(2).svg) |
|---|---|---|
| Wapen van Elizabeth, Hertogin van York (1923–1936) | Wapen van koningin Elizabeth (1936-1952) en van koningin Elizabeth die koninginmoeder (1952-2002) (Engeland) | Wapen van koningin Elizabeth (1936-1952) en van koningin Elizabeth die koninginmoeder (1952-2002) (Skotland) |
Verwysings
wysig- ↑ LondonGazette, 2000-08-04.
- ↑ LondonGazette, 2002-08-05.
- ↑ LondonGazette, 2003-06-16.
- ↑ Bradford, p.106.
- ↑ Bradford, p.77.
- ↑ "HM Queen Elizabeth The Queen Mother 1900–2002 – The Churchill Centre". Winstonchurchill.org. Geargiveer vanaf die oorspronklike op 3 Februarie 2009. Besoek op 13 Oktober 2008.
Bronne
wysig- Bradford, Sarah (1989). The Reluctant King: The Life and Reign of George VI. New York: St Martin's.
- Hogg, James (2002). The Queen Mother Remembered. BBC Books. ISBN 0-563-36214-6.
- Howarth, Patrick (1987). George VI. Century Hutchinson. ISBN 0-09-171000-6.
- Goldman, Lawrence, "Elizabeth (1900–2002)", Oxford Dictionary of National Biography (Oxford University Press), doi:10.1093/ref:odnb/76927, http://www.oxforddnb.com/view/article/76927
- Longford, Elizabeth (1981). The Queen Mother. Weidenfeld & Nicolson.
- Roberts, Andrew (2000). The House of Windsor. Londen: Cassell and Co. ISBN 0-304-35406-6.
- Vickers, Hugo (2006). Elizabeth: The Queen Mother. Arrow Books/Random House. ISBN 978-0-09-947662-7.
Eksterne skakels
wysig- Amptelike herdenkingswebtuiste vir die koningin-moeder
- Remember This – ’n roudig oor die dood van die koningin-moeder deur Andrew Motion, Poet Laureate, by die BBC
- Telegraph.co.uk – Tydlyn van haar lewe Geargiveer 11 Maart 2007 op Wayback Machine
- Queen Elizabeth The Queen Mother Memorial Project: amptelike webtuiste Geargiveer 28 September 2007 op Wayback Machine
- Herdenkingswebtuiste by FindaGrave
Wikimedia Commons het meer media in die kategorie Elizabeth Bowes-Lyon.
Hierdie artikel is vertaal uit die Engelse Wikipedia
