Frederick Sturrock
Frederick Claud Sturrock (Newport-on-Tay, Skotland, 25 Mei 1882 - Kaapstad, 5 Augustus 1959) was 'n Suid-Afrikaanse sakeman, politikus en die land se Minister van Vervoer toe die posbeskrywing van die Minister van Spoorweë en Hawens op 11 April 1944 na die huidige beskrywing verander is.
| Frederick Sturrock | |
 Frederick Sturrock was Suid-Afrika se minister van spoorweë en hawens van 6 September 1939, kort ná die skeuring in die Verenigde Party oor Suid-Afrika se oorlogsverklaring teen Duitsland, en 10 April 1944. Op 11 April 1944 word hy die land se eerste minister van vervoer en bly aan in die amp tot 15 Januarie 1948. | |
Minister van Finansies
| |
| Ampstermyn Januarie 1948 – Junie 1948 | |
| Eerste minister | Jan Christian Smuts |
|---|---|
| Voorafgegaan deur | Jannie Hofmeyr |
| Opgevolg deur | Nicolaas Havenga |
Minister van Vervoer
| |
| Ampstermyn 1938 – 1948 | |
| Eerste minister | Jan Christian Smuts |
| Voorafgegaan deur | Adriaan Fourie |
| Opgevolg deur | Sidney Frank Waterson |
Minister sonder portefeulje
| |
| Ampstermyn 1936 – 1938 | |
| Eerste minister | Barry Hertzog |
Lid van die Volksraad vir Turffontein
| |
| Ampstermyn 1929 – 1950 | |
| Eerste minister | Barry Hertzog, Jan Smuts, D. F. Malan |
Persoonlike besonderhede
| |
| Gebore | Frederick Claud Sturrock 25 Mei 1882 Newport-on-Tay, Skotland |
| Sterf | 5 Augustus 1959 (op 77) Kaapstad, Kaapprovinsie, Suid-Afrika |
| Politieke party | Suid-Afrikaanse Party (1929-1934) Verenigde Party (1934-1950) |
| Alma mater | Universiteit van Dundee |
Hy ontvang sy opleiding as ingenieur in Dundee, Skotland, kom in 1907 Suid-Afrika toe en vestig hom in Johannesburg waar hy 'n mynbou- en ingenieursaak vestig. In 1918 word hy verkies as voorsitter van die Johannesburgse Kamer van Koophandel.
In 1924 dien hy in die Kommissie oor Onderwysadministrasie. Twee jaar later is hy weer voorsitter van die Johannesburgse Kamer van Koophandel en in 1929 word hy gekies as Volksraadslid vir Turffontein. In 1936 word hy as lid van die Verenigde Party aangestel as minister sonder portefeulje in genl. J.B.M. Hertzog se kabinet.
Hy bedank egter in 1938 saam met Jannie Hofmeyr oor die beginsel van naturelleverteenwoordiging in die Senaat. Ná Hertzog in 1939 as eerste minister bedank oor die vraagstuk van deelname aan die Tweede Wêreldoorlog, word Sturrock minister van vervoer in genl. Jan Smuts se oorlogskabinet.
Kort voor die 1948-verkiesing word hy ook minister van finansies. Hy bedank twee jaar later as Volksraadslid en sterf in 1959 in Kaapstad.
Die Sturrock-droogdok in die Kaapstad-hawe, in 1945 geopen, is na die minister genoem.
Bronne
wysig- Albertyn, dr. C.F. (red.) 1962. Die Afrikaanse Kinderensiklopedie. Kaapstad, Bloemfontein, Johannesburg: Nasionale Boekhandel Bpk.