Gebruikerbespreking:Naudefj/argief2018

Hierdie bladsy dien as 'n argief van ou besprekings. Moenie die inhoud van hierdie bladsy wysig nie. Indien u 'n nuwe bespreking wil begin, of by een van die oues hieronder wil aansluit, doen asseblief so voort op die huidige besprekingsblad.

Vioolspelerkrap geskuif

Hallo Daniel!

Ek het jou saadjie-artikel Vioolspelerkrap wat jy begin het, geskuif na jou eie sandput by Daniellouw/sandput/Vioolspelerkrap. Dit kort werklik nog bietjie vleis om ensiklopedies genoem te word. Eksperimenteer gerus daar, en indien jy dit verder uitgebrei het met teks, verwysings en moontlik 'n foto of twee, kan ons dit terugskuif na die hoofnaamspasie.

Moet asseblief nie sleg voel nie, die artikel is nie weg nie, slegs verskuif!

Groete, die wikidwergie Aliwal2012 (kontak) 13:45, 19 September 2016 (UTC)

Aliwal2012, ek verstaan aan die een kant. Aan die ander kant het ek dit geskep bloot sodat mense die Afrikaans vir Fiddler crab kan sien. En dit skep natuurlik 'n platvorm vir ander om bydraes daarop te lewer. Ek sal kyk of ek 'n kansie kry om dit aan te vul. Dankie. Daniellouw (kontak) 20:00, 20 September 2016 (UTC)

Dankie Daniel, ek verstaan jou bedoeling, maar pasop om nie 'n woordeboek (m.a.w. vertaalde begrippe) hiervan te maak nie, daarvoor is daar die wikiDictionary. Ek was ook al vele kere in die versoeking om net een sin onder 'n titel soos "boerewors" te skryf, net om (en) "sausage" se korrekte Afrikaanse vertaling aan ander te wys.

Maar in my opinie moet jy dan verbind wees ("committed") om so 'n inleidende sin spoedig tot 'n artikel uit te brei, asb! Aliwal2012 (kontak) 14:07, 21 September 2016 (UTC)

Ek weet nie van enige beleid wat een-lyn artikels verbied nie. So, persoonlik verstaan ek nie wat die probleem is nie. Groete. Frank (kontak) 14:21, 21 September 2016 (UTC)

Frank, my probleem is dat ons nie ons agbare bydraers moet aanmoedig om byna leë artikels te skryf nie! Dit skakel in by Oesjaar e.a. se beleid van kwaliteit bo kwantiteit.

Dit geld veral in die Europese tale se groot wiki's. Gaan skryf slegs: "Vioolspelerkrap is 'n krap met een groot en een klein knyper." op die Nederlandse wiki en sien wat gebeur daarmee. Ons moet darem strewe om ten minste 500 grepe aan 'n nuwe begrip te wy, tensy daar nie enige ander inligting bekombaar is nie.

Hiermee wil ek tog nie op mense se tone trap nie, sien dit eerder as 'n opleidingshulp aan nuwe bydraers (waarvan ons 'n paar bygekry het die laaste paar maande). Groetnis --Aliwal2012 (kontak) 14:43, 21 September 2016 (UTC)

Ek besef jy het goed bedoel, en dat ons moontlik selfs 'n beleid hieroor nodig het. Ek sê maar net daar is nie tans so iets nie. Aan die ander kant, het jy die Engelse wiki so 10 na 15 jaar terug gesien? Hulle het basies die hele ding met eenlyners begin. Groete. Frank (kontak) 15:07, 21 September 2016 (UTC)

Die ou tydskrif Kennis en ISBN

Frank, ek sien jy roer die Woordeboek! Goed so! Ek het probleme met twee gebruikers (Esta Grobler en KMRJ) wat Kennis gebruik as bron, die probleem is die ISBN nommer. Of die nommer is verkeerd of die formaat. Help asb met raad! Groete! Oesjaar (kontak) 08:14, 9 November 2017 (UTC)

Die korrekte ISBN is 0798108231 of 9780798108232[1]. Ek het 'n artikel oor Kennis (ensiklopedie) begin, wat ek later sal uitbrei. Groete. Frank (kontak) 06:49, 16 April 2018 (UTC)

Lys van Wêrelderfenisgebiede

Frank, help asb! Sien Zimbabwe onder bogenoemde, Jy sal die probleem sien, ek verstaan nie wat fout is nie. Groete! Oesjaar (kontak) 07:57, 6 Januarie 2018 (UTC)

Dit lyk of die probleem reeds aangespreek is. Groete. Frank (kontak) 06:45, 16 April 2018 (UTC)

Die Afrikaanse Patriot

Dankie Frank! Broodnodig! Groete! Oesjaar (kontak) 07:08, 17 Maart 2015 (UTC)

Dit was lank terug, maar dankie Oesjaar! Groete. Frank (kontak) 06:44, 16 April 2018 (UTC)

Nou op commons

Sal ons dus die lokale weergawe van die lêer skrap? [2] K175 (bespreking | bydraes) 11:06, 25 Maart 2018 (UTC)

Ja, {{NouCommons}} word aangebring sodat iemand kan verifieer dat alles op Commons reg lyk (kategorieë, lisensie, beskrywing, ens), en die plaaslike beeld skrap. Groete. Frank (kontak) 06:42, 16 April 2018 (UTC)

Ledigheid is die duiwel se oorkussing...

Frank, waarmee hou jy jouself nou besig? Groete! Oesjaar (kontak) 19:07, 6 April 2018 (UTC)

Oesjaar, ek is besig met 'n programmeringsprojek en beslis nie ledig nie :-) Ek sal later weer by julle aansluit. Groete. Frank (kontak) 18:53, 8 April 2018 (UTC)

Dankie, Frank! Ons mis jou werk en ondersteuning! Ek self gaan maar deur 'n moeilike tyd, besig om eie besigheid op die been te kry! Groete! Oesjaar (kontak) 19:12, 8 April 2018 (UTC)

Hallo Frank, bly om van jou te hoor! Sterke met die werk en vrede vir jou! --Aliwal2012 (kontak) 07:22, 16 April 2018 (UTC)

Onlangse wysigings-bonteks

Ek het van die bronteks op jou gebruikerbladsy gekopieer (gelukkig is dit in die publieke domein 😜), maar dit lyk nie of die filter vir robotte werk nie. Weer jy wat daar aangaan? K175 (bespreking | bydraes) 22:34, 15 April 2018 (UTC)

O, so jy vat my goed, dan moet ek jou nog wys hoe dit werk ook :-)

Op 'n ernstige noot, ek het nog nooit probeer nie, maar kan ook nie dink hoekom dit nie sal werk nie.

Groete. Frank (kontak) 06:37, 16 April 2018 (UTC)

Bot activity on the Dutch Wikipedia

Dear,

Your bot account hasn't made any edits on the Dutch Wikipedia for at least three years. In accordance with the local bot policy the bot flag will be removed in three months. To avoid losing the bot flag, you can confirm you want to retain the bot flag by going to this page.

With kind regards, Kippenvlees1 (kontak) 18:54, 29 Mei 2018 (UTC)

Julle kan dit maar wegvat. Groete. Frank (kontak) 08:19, 30 Junie 2018 (UTC)

Common.js

Beste Frank, ek het jou nuttige Gebruiker:Naudefj/common.js oorgeneem, maar dit werk nie. Hoe kry ek dit aan die gang? Ons mis jou ernstig hier! Groete. -- SpesBona 09:00, 29 Junie 2018 (UTC)

Ek het dit nou net getoets. Dit werk na al die maande nog steeds soos 'n bom. Wat is die probleem? Groete. Frank (kontak) 08:18, 30 Junie 2018 (UTC)

Hoe moet ek dit aanskakel? Ek sien nuwe dinge by "Wys veranderings" soos skakels by die weergaweverskil, maar die common.js verander niks aan die bronteks nie. Bv. verander dit 'n kort streep nie outomaties in 'n langer een of "File:" nie in "Lêer:" nie. (Kom jy Wikimania toe in Julie?) Groete. -- SpesBona 22:05, 30 Junie 2018 (UTC)

Jy moet op die besem-knoppie druk (die 3de een, "Auto-Format") om die bronteks te wysig. Groete. Frank (kontak) 07:28, 1 Julie 2018 (UTC)

Groot asseblief

Goeienaand Frank, ons wonder al vir weke waar jy is en watter artikels jy begin of uitgebrei het as jy nog hier betrokke sou gewees het? Kortom, ons kort jou baie nuttige werk hier. Is daar enige kans of enige iets wat ek of ons kan doen om jou weer hier by die Afrikaanse Wikipedia betrokke te kan kry? Volgens jou projek om die HAT Taal-en-feitegids van "A tot Z" hier te plaas, was jy by die letters "Da". Ek wonder nou wat volgende sou gewees het. Dit was tog altyd interessant en nuttig. Jy onthou beslis hoe ek met al die kassies en dinge gehelp het, ek sal dit graag weer doen! Wie skryf nou oor al die Afrikaanse rolprente en akteurs in hierdie kwaliteit? Wie ruim al die "inhoudsvertaling"-artikels op en help nuwe gebruikers met hul artikels? Nuwe artikels word nog as gekontrolleer makeer, maar dis mos nie dieselfde nie, dit word sommer so gedoen. Dus my groot asseblief namens die Afrikaanse Wikipedia: Kom terug en doen weer jou puik skryfwerk. Ons mis jou so baie. Groete. --  SpesBona 16:15, 14 November 2018 (UTC)

Naand, goed om van jou te hoor! Ek is tans bedrywig op http://gesellig.co.za/, maar sal weer kom inval as ek moeg raak vir die storie. Op die oomblik soek ek ou Afrikaanse boeke waarvan die kopiereg verval het. Ek het 'n oorhoofse skandeerder aangeskaf en wil kyk of ek die boeke na e-boeke kan omskakel (ek dink Suidpunt is dalk die regte ou om te vra). Groete. Frank

Hy lewe.....!!!!! Oesjaar (kontak) 19:51, 14 November 2018 (UTC)

Ensiklopedie van Suidelike Afrika! Ek skat ons het al so 3/4 daarvan op Wiki! Groete! Oesjaar (kontak) 19:53, 14 November 2018 (UTC)

Ek het my eerste twee boeke ingeskandeer en opgelaai (slegs vir aangemelde gebruikers in die "Lede"-forum). Ek hoop om elke maand so 'n paar te kan bysit. Laat weet asb as julle ou boeke het waarvan die kopiereg verval het. Groete. Frank (kontak) 15:44, 20 Desember 2018 (UTC)

Frank, ek het vir jou een, gedruk iewers in die 1930's. Titel: Uit die dagboek van 'n Wilde Boer. Hoe gemaak? Groete! Oesjaar (kontak) 16:08, 20 Desember 2018 (UTC)

Goeienaand Frank, hoe gaan dit? Hoe vorder jou projek? 'n Halwe jaar is maar vinnig verby. Ons mis jou nuttige werk hier op ons wiki nog steeds. Dus die vraag na die stand van sake. Groete. --  SpesBona 21:32, 13 Junie 2019 (UTC)

Die projek vorder fluks, dankie. Die eerste boeke is beskikbaar by http://gesellig.co.za/t/26266-Gratis_Afrikaanse_E-Boeke/ en ek sal later nog byvoeg. Intussen is ek bly om te sien dat julle die projek darem nog goed aan die gang hou. Hou die blink kant bo! Frank (kontak) 19:05, 29 Junie 2019 (UTC)