Geelkop-vlindervis

Die Geelkop-vlindervis (Chaetodon xanthocephalus) is 'n vis wat voorkom in die westelike Indiese Oseaan; asook aan die ooskus van Afrika suidwaarts tot sentraal-KwaZulu-Natal. In Engels staan die vis bekend as die Yellowhead butterflyfish.

Geelkop-vlindervis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Chaetodontidae
Genus:	Chaetodon
Spesie:	C. xanthocephalus
Binomiale naam
Chaetodon xanthocephalus Bennett, 1833

Identifikasie

Die vis word tot 20 cm lank, hulle lywe is liggrys en bedek met dun, grys-blou chevronstrepe. Die area net onder die dorsale vin is wit. Die onderkant van die kop en bors is geel terwyl die dorsale- en analevinne geel is. Die ander vinne het 'n geel rant en daar is ook 'n geel streep agter die kop.

Die onvolwasse visse lyk anders, hulle is meer witterig met 'n geel rant reg rondom die lyf en vinne met uitsondering van die stertvin. Daar is 'n donker streep deur die oë, swart area op die sagte dorsale vin en 'n swart kol op die stertvin.

Hulle leef hoofsaaklik in aflandige koraalriwwe en kom soms ook in rotsriwwe in water wat 5 tot 30 m diep voor. Die visse is alleenlopers en kom soms in pare voor. Hulle vreet koraalpoliepe, klein ongewerweldes en alge.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Chaetodon-xanthocephalus.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3