Gereformeerde kerk Belfast

Die Gereformeerde kerk Belfast is ’n gemeente in die GKSA se Klassis Lydenburg en Oostelike Streeksinode (Mpumalanga).

Gereformeerde Kerk Belfast
Sluit in	Belfast Dullstroom Machadodorp
Klassis	Lydenburg
Huidige predikant(e)	Pieter Kurpershoek
In kombinasie met	Middelburg
Belydende lidmate	32
Dooplidmate	3
Adres	McDonaldstraat 70 Belfast
Geskiedenis
Stigtingsdatum	16 Maart 1906
Afgestig van	Lydenburg
Eerste predikant	N.H. van der Walt 1908–1925

Mev. ds. MPA Coetsee en haar seun Petrus voor die Gereformeerde kerk se pastorie op Belfast. Sy is die bejaarde dame en hy die lang man.

Die Gereformeerde kerk Belfast, een van die argitek Johan de Ridder se eenvoudiger ontwerpe.

Ds. M.W. van der Walt, leraar van 1953 tot 1955.

Ds. Adriaan van der Walt, leraar van 1958 tot 1962 en weer van 1993 tot 1996.

Ds. A.S. van den Berg, die leraar van 1968 tot 1970, sy eerste gemeente.

Dit was nog altyd ’n betreklik klein gemeente: In 1960 was hier 86 belydende en 64 dooplidmate, in 1997 78 en 25, en in 2015 27 en sewe. Benewens Belfast, sluit die gemeentegrense oor die dorpe Dullstroom (waar die plaaslike Gereformeerde kerk van 1919 tot 1963 bestaan het) en Machadodorp in. Omdat die gemeente so min belydende lidmate het, word dit deur ds. P.W. Kuypershoek bedien wat ook verantwoordelik is vir die Gereformeerde kerk Middelburg, Mpumalanga.

Ds. M.P.A. Coetsee het van 1894 af in die pastorie op die dorp gewoon, maar die Gereformeerde kerk Belfast is eers op 16 Maart 1906 gestig. Tot 1961 het die lidmate in die ou kerkie in Erasmusstraat op Belfast byeengekom. Dié gebou se hoeksteen is reeds op 25 Mei 1895 gelê. Dié kerkie was doelmatige en jare lank deel van die gemeente se bestaan, maar die ongemaklike banke het dikwels aanleiding tot ontevredenheid gegee. Daarom is met die oprigting van die nuwe kerk baie aandag aan die gemak van die kerkbanke geskenk.

Die tweede en huidige kerk is in 1961 in MacDonaldstraat opgerig volgens die plan van die bekende Gereformeerde argitek Johan de Ridder. Toe die ou kerkie verkoop is, is die hoeksteen daaruit verskuif en in die nuwe gemonteer sodat dit vir die gemeente behoue kon bly.

Predikante

Van Dullstroom se stigting in 1919 tot sy ontbinding in 1963 was Belfast deurgaans in kombinasie met dié gemeente.

1. Van der Walt, N.H., 1908–1925 (in kombinasie met Lydenburg)
2. Postma, A, 1928–1940 (in kombinasie met Lydenburg)
3. Van der Walt, D.J., 1942–1944 (in kombinasie met Lydenburg)
4. Van der Walt, J.C., 1945–1949 (in kombinasie met Lydenburg)
5. Van der Walt, Marthinus Wessel, 1953 – 1955
6. Malan, Nicolas Johannes, 1956–1957 (in kombinasie)
7. Van der Walt, Adriaan, 1958 – 1962 (in kombinasie)
8. Buys, Pieter Christiaan, 1962 – 1967
9. Van den Berg, Adriaan Stephanus, 1968 – 1970
10. Marais, Jacobus, 1972 – 1976
11. Nagel, Cornelius Johannes, 1977 – 1981 (in kombinasie met Stoffberg)
12. Van der Walt, Jacobus Philippus Benjamin, 1981 – 1984
13. Van Wyk, dr. Hendrik Francois, 1985 – 1993
14. Van der Walt, Adriaan, 1993 – 1996 (in kombinasie met Stoffberg; aanvaar sy emeritaat)
15. Kruger, T.J.J., 1996–2000

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
• (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
• (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
• (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.

Sien ook

• NG gemeente Belfast