Gereformeerde kerk Eendracht
Die Gereformeerde kerk Eendracht was die kleinste gemeente in die GKSA se Klassis Piet Retief en het ontbind in Desember 2023. Einde 2015 het die belydende lidmate 24 getel en die dooplidmate twee, vergeleke met onderskeidelik 40 en 14 in 2001. Einde 2016 was dit 28 en twee. In die jaar waarin die gemeente ontbind het, het nege belydende lidmate oorgebly.
| Gereformeerde Kerk Eendracht | ||
| ||
| Sluit in | Devon Eendracht Leandra (Leslie) | |
| Klassis | Piet Retief | |
| Huidige predikant(e) | Carel Jansen | |
| In kombinasie met | Secunda | |
| Belydende lidmate | 9 (2023) | |
| Dooplidmate | 0 | |
| Adres | Stanleystraat 1 Eendracht | |
| Geskiedenis | ||
| Stigtingsdatum | 22 Desember 1934 | |
| Afgestig van | Heidelberg | |
| Eerste predikant | S. du Toit 1934–1936 | |
| Datum ontbind | 21 Oktober 2023 | |
Die dorpie Eendracht het naasaan Leslie in Mpumalanga gelê, nagenoeg halfpad tussen Springs en Bethal. Later is die nedersettings saamgevoeg onder die naam Leandra. Op Eendracht is die Gereformeerde kerk Eendracht op 22 Desember 1934 van die Gereformeerde kerk Heidelberg afgestig. As bruidskat het die dogter ’n aantal erwe gekry.
Die kerkgebou van die Hervormde gemeente Eendracht, gestig op 20 Maart 1917 en met ’n sieletal van 307 in 2014, is in die beginjare gehuur teen £5 per jaar op voorwaarde dat die Gereformeerde kerk ook die windpomp in stand hou. Ná baie vergaderings en beplanning het die Gereformeerdes in 1943 begin met die oprigting van hul eie kerkgebou. Ds. P.J.J. Delport van die Gereformeerde kerk Bethal het die hoeksteen gelê van die gehou wat sitplek bied aan 400 kerkgangers en sowat £8 500 gekos het.
Die kerk is op 29 Januarie 1944 in gebruik geneem tydens ’n geleentheid waar prof. J.D. du Toit (Totius) opgetree het.
Predikante
wysig- Lion-Cachet, dr. Francois Nicholas, 1963 – 1967
- Du Plessis, Dawid Gerhardus Cornelius, 1967 – 1974 (in kombinasie met Evander)
- Vermeulen, Andries Johannes Roos, 1974 – 1987 (aanvaar sy emeritaat)
- Minnie, Francois Gysbertus, 1988 – 1991
- Odendaal, Pieter Abraham, 1992 – 1993 (in kombinasie met Evander)
Bronne
wysig- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.