Gereformeerde kerk Komatipoort
Die Gereformeerde kerk Komatipoort is die sesde jongste gemeente in die GKSA en was einde 2015, toe hier 177 belydende en 44 en dooplidmate was, die agtste grootste van die 16 gemeentes in dié Klassis. Benewens die hoofdorp, Komatipoort, waar die kerkgebou is, sluit die gemeente ook Malelane, die noordelike deel van Swaziland, die suide van die Krugerwildtuin, suidelike deel van Mosambiek, Hectorspruit en Kaapmuiden in.
| Gereformeerde Kerk Komatipoort | ||
| ||
| Sluit in | Hectorspruit Kaapmuiden Komatipoort Malelane eSwatini (noorde) Krugerwildtuin (suide) Mosambiek (suide) | |
| Klassis | Lydenburg | |
| Huidige predikant(e) | Gerhard van Rhyn | |
| Belydende lidmate | 144 | |
| Dooplidmate | 33 | |
| Adres | Rissikstraat 94 Komatipoort | |
| Geskiedenis | ||
| Stigtingsdatum | 1961 | |
| Afgestig van | Barberton | |
| Eerste predikant | N.J. Grobler 1961–1962 | |
Tot 1961 het Gereformeerde lidmate op en om Komatipoort en Malelane deel uitgemaak van die Gereformeerde kerk Barberton, maar die begeerte om selfstandig ’n gemeente te word, het ál dringender geword al het Barberton in 1960 uit net 87 belydende en 62 dooplidmate bestaan, skaars genoeg om met Komatipoort en Malelane as afsonderlike gemeente te bestaan. So het die Gereformeerde kerk Komatipoort met Malelane as wyk in daardie jaar afgestig van die Gereformeerde kerk Barberton. Die lidmaattal was aan die begin so klein dat eredienste waargeneem is in ’n klaskamer van die plaaslike skool.
Later is wel besluit om ’n kerkgebou op te rig en in 1966 is dié gebou voltooi en op 4 Junie daardie jaar in gebruik geneem. Ds. J.H. van der Walt het die hoeksteen onthul. G.T. de Villiers het die gebou ontwerp en oudl. S.J. Delport het die leiding geneem met die bouwerk. Dié gebou het bestaan uit die kerkie, ablusiegeriewe en ’n klein konsistorie.
In 1990 is ’n saal aangebou, die ou konsistorie uitgebreek en die kerk vergroot. Later is ook ’n moederskamer met twee toiletvertrekke aangebou.
In Oktober 1975 is die eerste, eenvoudige preekstoel vervang deur ’n grotere van kiaat. ’n Lidmaat, A.J.J. (oom At) Potgieter het dit geskenk. Skenkings en bydraes uit die gemeente die bou van die saal moontlik gemaak.
Eers het die gemeente ’n pastorie gehuur, maar later is besluit om ’n eie pastorie te bou. Oudl. S.J. Delport het die leiding geneem met die bou van die pastorie soos hy ook gemaak het met die kerkbou. Dit is in 1982 voltooi.
Predikante
wysig- Denkema, Francois, 1975 – 1981
- Earle, Johannes Matthys, 1982 (verlaat die bediening)
- Stoltz, Daniël Cias Petrus, 1983 – 1989 (aanvaar sy emeritaat)
- Fick, dr. Paul Hendrik, 1990 – 1995
- Muller, dr. Daniel Francois, 1995 – 1999
- Fick, dr. Paul Hendrik, 1999 - 2007
- Van Rooy, Petrus Cornelius, 2008 – 2012
- Erasmus, Gert Jacobus, 2012 – 2018
- Van Rhyn, Gerhardus Petrus, 3 Junie 2018 – hede
Bronne
wysig- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.
- (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.