Gereformeerde kerk Pretoria-Magalieskruin
Die Gereformeerde kerk Pretoria-Magalieskruin is die derde jongste van die agt gemeentes in die Gereformeerde Kerk (GKSA) se Klassis Trans-Magalies, wat die noordelike dele van die stad Pretoria beslaan. Dit was einde 2014 met ’n sieletal 528 die tweede grootste gemeente in die klassis, naas die Gereformeerde kerk Pretoria-Annlin, van wie Pretoria-Magalieskruin op 28 Mei 1977 afgestig het.
| Gereformeerde Kerk Pretoria-Magalieskruin | ||
| ||
| Sluit in | Magalieskruin Montanapark (wes) Sinoville (suidoos) | |
| Klassis | Trans-Magalies/ Trans Mogale | |
| Huidige predikant(e) | Gert Erasmus | |
| Belydende lidmate | 447 | |
| Dooplidmate | 77 | |
| Adres | Hoewe 83 Stephanweg 655 Montana-landbouhoewes | |
| Geskiedenis | ||
| Stigtingsdatum | 28 Mei 1977 | |
| Afgestig van | Pretoria-Annlin | |
| Eerste predikant | E.J. Smit (1977–2003) | |
Kort ná afstigting het die gemeente besluit om ’n kerkgebou op te rig en drie jaar later is die hoeksteen gelê. Die kerk is op 14 Februarie 1981 in gebruik geneem. Die argiteksfirma Hartman en Van der Walt het die plan opgestel en die bouaannemer was ’n lidmaat, Johan van Dyk, maar gemeentelede het baie van die werk self gedoen, byvoorbeeld die maak van die preekstoel, die groot skuifdeure en die tuin se uitleg. Die gebou bied sitplek aan 415 mense en, wanneer die skuifdeure tussen die kerk en saal oopgeskuif word, nog 300. Op die galery is plek vir nog 85 vir ’n totaal van 800. SA Orrelbouers het die orrel uit verskeie ander orrels opgebou.
Die Gereformeerde kerk Pretoria-Montanapoort het op 30 Mei 1999 van Magalieskruin afgestig, maar die gemeentes het ooreengekom dat albei die Magalieskruin-kerkkompleks sou gebruik en dit gesamentlik en gelykop sou besit. Tans (2019) hou Magalieskruin hul eredienste om 10:00 en 19:00 en Montanapoort om 08:00 en 17:30. Elke jaar ruil die dienstye om.
Magalieskruin beslaan die woonbuurte of voorstede Magalieskruin, die weste van Montanapark en die suidooste van Sinoville. Voor die afstigting van Montanapoort het Magalieskruin 'n sieletal van 1 054 gehad. Einde 2001 was Magalieskruin se sieletal 467 en Montanapoort s'n 586 ('n totaal van 1 053). Einde 2014 was Magalieskruin se sieletal 528 en Montanapoort s'n 512 vir 'n totaal van 1 040.
Predikante
wysig- Smit, Erasmus Johannes, 1977 – 2003
- Aucamp, Lourens Daniël, 1985 – 1989
- Heystek, dr. Pieter Hendrik, 1989 – 1999 (waarna eerste leraar van Pretoria-Montanapoort)
- Snyman, Sarel Daniël, 2004 – 25 Maart 2018
- Erasmus, Gert Jacobus, 2018 – 2020
- Erasmus, Thys, 2023 tot hede
Bronne
wysig- (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
- (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
- (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
- (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.