Gespikkelde opah

Die Gespikkelde opah (Lampris guttatus) is 'n vis wat voorkom in al die oseane van die wêreld in subtropiese en gematigde waters; hulle kom nie voor in ekwatoriële water nie. In Engels staan die vis bekend as die Spotted opah.

Gespikkelde opah
Lampris guttatus
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Lampridiomorpha
Orde:	Lampriformes
Familie:	Lampridae
Genus:	Lampris
Spesie:	L. guttatus
Binomiale naam
Lampris guttatus (Brünnich, 1788)

Voorkoms

Die vis se lyf is blouerig met die bokant donkerder en die onderkant meer silwerblouerig. Die hele lyf is ook bedek met wit kolletjies. Al die vinne en die voorste gedeelte van die snoet is rooi-oranje van kleur. Die vis word tot 1,8 m lank en 150 kg swaar.

Habitat

Die vis kom voor in die oop see; vanaf die oppervlakte tot by dieptes van 500 m. Hulle eet pelagiese vis; asook tjokka en jellievis. Dit is 'n goeie eetvis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• Lampris-guttatus by Fishbase.

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7