Groot-Brakrivier (dorp)
Groot-Brakrivier is 'n dorp tussen George en Mosselbaai in die Wes-Kaap, Suid-Afrika. Die dorp is by die N2 nasionale pad langs die rivier met dieselfde naam.
Groot-Brakrivier Great Brak River | |
|---|---|
.jpg) | |
  Groot-Brakrivier Groot-Brakrivier se ligging in Wes-Kaap | |
| Koördinate: 34°02′33″S 22°13′53″O / 34.04250°S 22.23139°O | |
| Land |  Suid-Afrika |
| Provinsie | Wes-Kaap |
| Distrik | Tuinroete |
| Munisipaliteit | Mosselbaai |
| Oppervlak | |
| • Totaal | 22,06 km2 (8,52 vk. myl) |
| Bevolking (2011)[1] | |
| • Totaal | 10 619 |
| • Digtheid | 481/km2 (1 250/vk. myl) |
| Rasverdeling (2011) | |
| • Wit mense | 24.6% |
| • Indiërs/Asiërs | 0.5% |
| • Bruin mense | 66.8% |
| • Swart mense | 5.3% |
| • Ander | 2.7% |
| Taal (2011) | |
| • Afrikaans | 90.8% |
| • Engels | 5.4% |
| • Sotho | 1.1% |
| • Xhosa | 1.1% |
| • Ander | 1.7% |
| Poskode (strate) | 6525 |
Geskiedenis
wysigDie dorp Groot-Brakrivier het ontstaan toe Charles Searle die kontrak gekry het in 1859 om die eerste tolhek te bedryf wat gebou is om die brug oor die rivier te finansier. Hy het met sy familie na 'n plaas daarnaby getrek en ook 'n winkel geopen. Later het hy en sy familie 'n watermeul, 'n wolwassery, skoen- en stewelfabriek, 'n leerlooiery en 'n houtverwerkingsaanleg opgerig en bestuur. Die skoeisel- en houtverwerkingsaanleg doen nog steeds sake.
'n Plaaslike raad is in 1944 gestig. Dit is in 1975 met 'n volwaardige munisipaliteit vervang.
Die voertuigregistrasienommers vir Groot-Brak is CBS, dieselfde as vir Mosselbaai.
Wapen
wysigDie munisipale raad het in 1985 'n wapen by die Buro vir Heraldiek geregistreer : Gewelfde deursnede, goud en blou, 'n gewelfde swart dwarsbalk belaai met drie besante, vergesel in die skildhoof van 'n uitkomende rooi toring en in die skildvoet van drie silwer streepbalke. Die helmteken was 'n denneboom, en die wapenspreuk "Arte et animo".[2]
Die Groot-Brakrivier
wysigDie rivier ontspring in die Outeniekwaberge en vloei slegs 20 km na die Indiese Oseaan. Die naam is afgelei van die feit dat die laaste gedeelte van die rivier getygebonde is en die water dus sout is.