György Pauk
György Pauk (gebore op 26 Oktober 1936 in Boedapest) is 'n Hongaarse violis , kamermusikant en pedagoog.
György Pauk | |
|---|---|
| Gebore | 26 Oktober 1936 |
| Genres | Klassiek |
| Beroep(e) | violis |
| Instrumente | viool |
Biografie
wysigPauk is in Boedapest, Hongarye gebore, en het op die ouderdom van nege jaar ingeskryf by die Franz Liszt Musiekakademie. Hy het sy studies in 1945 as student van Imre Waldbauer begin. Van 1947 tot 1949 het hy onder János Temesváry gestudeer, en van 1949 totdat hy gegradueer het by die Akademie saam met Ede Zathureczky. Hy het ook onder Zoltán Kodály gestudeer.[1]
In 1956 het hy Hongarye verlaat vir Nederland en, nadat hy deur die violis Yehudi Menuhin oortuig is het hy permanent in Londen gaan woon. Sedertdien tree hy as konsertsolis op saam met vooraanstaande orkeste en dirigent-maestros van regoor die wêreld, soos Pierre Boulez, Colin Davis, Lorin Maazel, Gennadi Rozjdestvenski, Simon Rattle en Georg Solti. Hy het ook die werke opgeneem (en die eerste uitvoerings daarvan gespeel) deur komponiste soos Witold Lutosławski, Krzysztof Penderecki, Alfred Schnittke, Peter Maxwell Davies, en Michael Tippett wat deur die komponiste hulself gedirigeer was.
Pauk het saam met die pianis Peter Frankl 'n langtermyn samewerkingsooreenkoms gesluit met die tjellis Ralph Kirshbaum. Pauk en Frankl is reeds sedert hul kinderdae permanente vennote. Hulle het kamermusiek gestudeer saam met Leo Weiner. Die BBC het in 1997 die komposisie Veertien Klein Prente deur James MacMillan aangevra ten einde die 25ste herdenking van die trio te merk.[2]
Pauk was in 1987 aangestel as professor van Vioolstudies by die Koninklike Musiekakademie in Londen.[3] Hy het die viool departement waarvan hy die hoof was by die Koninklike Musiekakademie na Ede Zathureczky laat vernoem omrede hy begerig was om die nalatenskap van die legendariese meester te bewaar en daarmee voort te gaan.[1]
Pauk het op Annie Fischer se uitnodiging in 1973 weereens in Boedapest verskyn; en sedertdien speel hy gereeld in Hongarye as beide solis en kamermusiekspeler. Hy het in 2007 afgetree van die konsertverhoog. Hy het ook al saam met Jenő Jandó opgetree en gespeel.
Hy gee bykomend tot die bogenoemde uitvoerings reg rondom die wêreld meestersklasse aan die internasionale Menuhin musiekakademie. Hy besoek gereeld die Verenigde State , waar hy meesterklasse in Los Angeles, San Francisco, Oberlin Kollege (Ohio), en by die Juilliard Musiekskool in New York Stad aanbied. Van sy noemenswaardige studente sluit Thomas Gould in.[4]
Hy speel al vir 'n geruime tyd op sy Joseph Massart Stradivarius van 1714, wat uit Antonio Stradivari se sogenaamde "Goue Periode" dateer.[5]
Hy het twee kinders wat beide in Londen woon en werk, asook vier kleinkinders.
Pryse
wysig- Eersteplek tydens die eerste (1956) Paganini-kompetisie in Genua, Italië,[6]
- Premier Grand Prix in 1959 tydens die Long-Thibaud-Crespin-kompetisie[7]
- Eersteplek tydens die Münchense sonatekompetisie saam met Peter Frankl (1956) [8]
- Cecielia-prys vir uitstaande opnames[9]
- Grammynominasie vir opname van die jaar[10]
- Professor Emeritus van die Franz Liszt Akademie in Boedapest
Vername studente
wysigPauk se mees noemenswaardige studente sluit Thomas Gould,[11] Maureen Smith,[12] Marianne Thorsen,[13] Gyula Stuller,[14] en Lucy Gould in.[15]
Verwysings
wysig- ↑ 1,0 1,1 "Biography of György Pauk at Liszt Academy of Music" (in Engels). Geargiveer vanaf die oorspronklike op 25 September 2017. Besoek op 17 September 2016.
- ↑ James MacMillan. "Composer's Notes" Boosey & Hawkes. Mei 1997. Besoek op 8 Augustus 2009.
- ↑ "Biography of György Pauk at Royal Academy of Music" (in Engels). Geargiveer vanaf die oorspronklike op 29 Julie 2019. Besoek op 17 September 2016.
- ↑ name="LA Phil website">"About the performer: Thomas Gould". Los Angeles Philharmonic. Geargiveer vanaf die oorspronklike op 29 Januarie 2018. Besoek op 10 Desember 2015. </Opnames [dooie skakel van drie meesterklasse tydens die 2010 meredistrik internasionale somermusiek akademie is onlangs aanlyn beskikbaar gemaak deur vimeo.com
- ↑ name=" Royal Academy of Music"
- ↑ name="Liszt Academy"
- ↑ name="Liszt Academy"
- ↑ name="Liszt Academy"
- ↑ name="Menuhin Academy">"Biography of György Pauk at Menuhin Academy". Geargiveer vanaf die oorspronklike op 6 Oktober 2016. Besoek op 17 September 2016.
- ↑ name="Menuhin Academy"
- ↑ name="LA Phil website"
- ↑ name="Royal Academy - Smith">"Maureen Smith: Hon ARAM". www.ram.ac.uk. Royal Academy of Music. Geargiveer vanaf die oorspronklike op 17 April 2019. Besoek op 24 September 2017.
- ↑ name="Hyperion - Thorsen">"Marianne Thorsen (violin)". www.hyperion-records.co.uk. Hyperion Records. Besoek op 24 September 2017.
- ↑ name="Académie de musique Tibor Varga">"STULLER Gyula". www.amsion.ch. Académie de musique Tibor Varga. Geargiveer vanaf die oorspronklike op 25 September 2017. Besoek op 24 September 2017.
- ↑ name="Royal Welsh College - Gould">"Gould, Lucy". www.rwcmd.ac.uk. Royal Welsh College of Music & Drama. Geargiveer vanaf die oorspronklike op 24 September 2017. Besoek op 24 September 2017.
Eksterne skakels
wysig- Biografie by Naxos
- Biografie van György Pauk by die koninklike musiekakademie
- Biografie by violin.org
- Meesterklasse tydens die Meredistrik Somermusiekfees
- Noemenswaardige alumni Geargiveer 25 September 2017 op Wayback Machine by die Franz Liszt musiekakademie
- Internasionale Menuhin Musiekakademie György Pauk Geargiveer 6 Oktober 2016 op Wayback Machine