Hanover

Hanover is 'n klein dorpie waar die N1 en N10 nasionale paaie kruis in die Noord-Kaap, Suid-Afrika. Die oorspronklike eienaar, Gert Gouws, het ingestem om sy plaas Petrusvallei te verkoop om 'n nuwe dorp te begin op voorwaarde dat die dorp Hanover (na Hannover in Duitsland) genoem word. Die tweede "n" is weggelaat om die spelling minder Duits en meer Engels te maak. Die naaste groot dorpe is De Aar, Colesberg en Middelburg, Oos-Kaap. Die dorpie lê presies halfpad tussen Kaapstad en Johannesburg, asook so te sê ewe ver van Upington en Oos-Londen of Port Elizabeth.

Hanover
Hanover  Hanover se ligging in Noord-Kaap
Koördinate: 31°4′6″S 24°26′23″O
Land	Suid-Afrika
Provinsie	Noord-Kaap
Distrik	Pixley ka Seme
Munisipaliteit	Emthanjeni
Stigting	1854
Oppervlak
• Totaal	80,77 km2 (31,19 vk. myl)
Bevolking  (2011)
• Totaal	4 594
• Digtheid	57/km2 (150/vk. myl)
Rasverdeling (2011)
• Wit mense	3.4%
• Indiërs/Asiërs	0.5%
• Bruin mense	46.5%
• Swart mense	49.1%
• Ander	2.9%
Taal (2011)
• Afrikaans	54.9%
• Xhosa	39.3%
• Engels	1.5%
• Sotho	1.4%
• Ander	2.9%
Poskode (strate)	7005
Skakelkode	053

Die NG kerk op Hanover se hoeksteen is op 30 November 1907 gelê. Dit is ontwerp deur William Henry Ford, wat tydens die Anglo-Boereoorlog uit Australië na Suid-Afrika geëmigreer het.

Die ou NG sendingkerkie in die middedorp.

Die bekende skryfster Olive Schreiner en haar man, Samuel Cronwright, het van 1899 tot 1907 op Hanover gewoon. Hy was destyds eers lid van die Kaapse Wetgewende Vergadering vir Colesberg en later vir Beaufort-Wes. Schreiner het Hanover aanvanklik beskryf as "one of the prettiest and nicest villages" wat sy al gesien het, maar omdat sy tydens die Tweede Vryheidsoorlog onder militêre toesig geplaas is, het omstandighede op die dorpie vir haar baie moeilik geword. Cronwright het sy sakebelange mettertyd na De Aar uitgebrei omdat hy reg voorspel het dat dié dorp meer groeipotensiaal as Hanover gehad het. Eindelik, in 1907, het die egpaar daarheen verhuis sodat Cronwright sy onderneming van daar af kon bedryf.

Sien ook

• Ds. Arend Hofmeyr
• NG gemeente Hanover
• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Wikimedia Commons het meer media in die kategorie Hanover.