Hoefyster-valkvis

Die hoefyster-valkvis (Paracirrhites arcatus) is 'n vis wat voorkom in die Stille Oseaan en die Indiese Oseaan, die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Horseshoe hawkfish.

Hoefyster-valkvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Cirrhitidae
Genus:	Paracirrhites
Spesie:	P. arcatus
Binomiale naam
Paracirrhites arcatus (Cuvier, 1829)

Identifikasie

Die vis word tot 14cm lank. Die kop en lyf is rooibruin met 'n wit streep langs die agterste gedeelte van die sylyn. Daar is 'n prominente oranje, rooi met ligblou boogvormige merk langs die oog. Daar is ook drie oranje merke op die onderste gedeelte van die kieue deksel. By die onvolwasse vissies mag die wit streep afwesig wees. Die vis leef in aflandige koraal- en rotsriwwe in water wat 10 tot 35m diep is. Hulle is alleenlopers vreet skaaldiere en klein vissies.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Paracirrhites-arcatus.html