Wikipedia

Joshua na die Reën

Suid-Afrikaanse musikant

Joshua na die Reën (afgekort tot JNDR) is die verhoognaam van die Afrikaanse liedjeskrywer en musikant Jacques de Villiers van Pretoria, Gauteng. Joshua na die Reën tree saam met ander musikante en soms ook solo op. Van die musikante wat hom bystaan is Lizandra Winter (sang), Jean de Villiers (tromme), Ryhno von Hagen (akoestiese kitaar, mandolien, fluit), Gerhard Biennedel (baskitaar), Heini Berner (elektriese kitaar) en Raziela Kosterman (viool). Wanneer die geleentheid hom voordoen, kan hy ook saam met 'n strykensemble optree[3].

Joshua na die Reën
Joshua na die Reën by Die Boer in Durbanville, 7 November 2017
Agtergrondinligting
GeboortenaamJacques de Villiers[1]
Ook bekend asJNDR
OorsprongPretoria, Gauteng (Suid-Afrika)
GenresStadionrock[2]
Jare aktief2013 tot hede
EtiketteSAMRO, JNDR Musiek
AssosiasiesJak de Priester, Bobby van Jaarsveld, Lizandra Winter
Webwerfwww.joshuanadiereen.com
Joshua na die Reën met ondersteunende kunstenaars by L'Avenir-wynlandgoed in Stellenbosch, 5 November 2017.

Agtergrond

wysig

Jacques de Villiers het op 'n plaas in die Walkerville-omgewing tussen Johannesburg en Parys grootgeword[4] en in 2010 aan die Tshwane Universiteit van Tegnologie die topprys vir Jazz behaal. Na sy studies het hy vir Jak de Priester op klavier begelei en ook vir Bobby van Jaarsveld.[3][5][6]

  Afhangende van die situasie is reën vir sommiges ‘n positiewe en vir ander ‘n negatiewe natuurverskynsel, maar dié wat daardeur geraak word besef dat dit lewe bring, al is dit wat daaruit voortspruit nie dadelik sigbaar nie.
— Joshua na die Reën
 

Groepe en kunstenaars soos Coldplay, One Republic, Brooke Fraser, Kaleidoskoop, Mumford & Sons en Elvis Blue dien as inspirasie vir JNDR.[3]

Die naam "Joshua na die Reën" verwys na 'n uitsonderlike band met die natuur, asook die temas van eerlikheid en hoop.[7]

Sy debuutalbum, Joshua na die Reën,[8] is op 18 September 2013 in die Aulateater by die Universiteit van Pretoria bekendgestel, alhoewel dit reeds op 1 Augustus 2013 op iTunes vrygestel is. Hierdie album ontvang in 2014 twee Ghoemas vir beste nuweling en beste Afrikaanse kontemporêre album.[9]

Eerbewyse

wysig

Hy wen in 2014 twee Ghoemas vir beste nuweling en beste Afrikaanse kontemporêre album vir Joshua na die Reën,[9] en in 2017 'n SAMA-prys vir die beste kontemporêre musiekalbum vir Die wêreld binne my.

Diskografie

wysig

Verwysings

wysig
  1. ↑ "Rooiwarm man: Joshua na die Reën" (Artikel). Rooi Rose. Geargiveer vanaf die oorspronklike op 2 Oktober 2018. Besoek op 8 November 2017.
  2. ↑ Hammond, Karin (12 Februarie 2014). JNDR strewe na natuurlike uniekheid (Artikel). Die Matie. URL besoek op 27 Februarie 2014.
  3. ↑ 3,0 3,1 3,2 Cloete, Henry (20 November 2013). "Joshua na die Reën: "Ek kan maar net praat oor hoe ek dit beleef…"" (Artikel). LitNet. Geargiveer vanaf die oorspronklike op 19 April 2015. Besoek op 27 Februarie 2014.
  4. ↑ Human, Rochélle (30 Januarie 2014). Musiek soos reën (Artikel). Beeld. URL besoek op 27 Februarie 2014.
  5. ↑ Dinamiet, Daantjie (15 Augustus 2013). Joshua na die Reën (Artikel). Maroela Media. URL besoek op 27 Februarie 2014.
  6. ↑ Marais, Michelle (20 Februarie 2014). "Joshua na die Reën" (Artikel). Laevelder. Geargiveer vanaf die oorspronklike op 2 Oktober 2018. Besoek op 27 Februarie 2014.
  7. ↑ Marais, Michelle (22 Julie 2013). "Wie is Joshua na die Reën" (Artikel). Jacaranda FM (in Engels). Geargiveer vanaf die oorspronklike op 2 Oktober 2018. Besoek op 27 Februarie 2013.
  8. ↑ "Joshua na die Reën". iTunes (in Engels). Geargiveer vanaf die oorspronklike op 2 Oktober 2018. Besoek op 8 November 2017.
  9. ↑ 9,0 9,1 Beets, Mike (29 Mei 2014). "Sidetracked with Joshua Na Die Reen". Gateway News (in Engels). Geargiveer vanaf die oorspronklike op 2 Oktober 2018. Besoek op 8 November 2017.

Sien ook

wysig

Eksterne skakels

wysig

Video’s (chronologies)

wysig
Ontsluit van "https://af.wikipedia.org/w/index.php?title=Joshua_na_die_Reën&oldid=2674584"