Kilburndam

Die Kilburndam is 'n dam naby Bergville in KwaZulu-Natal, Suid-Afrika. Die dam vorm deel van die Tugela-Vaal-waterprojek en die Drakensberg-pompopgaarskema.

Kilburndam
Die Kilburndam met waarskuwingsbord wat verduidelik hoekom die dam so gevaarlik is.
Amptelike naam	Kilburndam
Ligging	Bergville, KwaZulu-Natal
Provinsie/Land	Suid-Afrika
Koördinate	28°35′4.56″S 29°5′40.2″O
Dam in	Majaneni-rivier
Doel	Hidroëlektrisiteit
Openingsdatum	1981
Eienaar	Departement van Waterwese
Soort dam	Grondvuldam
Hoogte van wal	48 m
Lengte van wal	1100 m
Bakmaat	36 700 m3
Reservoir	Kilburn-damreservoir
Opvanggebied	30 km2
Damoppervlak	207 ha

Kilburndam se posisie in die Drakensberg-pompopgaarskema.

Die Kilburndam in die voorgrond en die Woodstockdam in die agtergrond.

Dit is 'n grondvuldam wat 500 meter (1600 voet) laer as die Sterkfonteindam in die Mnjaneni-rivier geleë is. Dit is in 1981 in gebruik gestel, het 'n kapasiteit van 36 700 kubieke meter en 'n oppervlakte van 207 hektaar (510 akker). Die damwal is 48 meter (157 voet) hoog.

Die hoofdoel van die dam is om hidroëlektrisiteit op te wek. Die gevaarpotensiaal van die dam word as hoog (3) geklassifiseer.

As die aanvraag na elektrisiteit laag is, word water met vier 250 MW tribunes teen 'n tempo van 174 m³/s uit Kilburn na die Driekloofdam gepomp. As die aanvraag hoog is, tipies gedurende die oggend en vroeë aand, word water van Driekloof teen 'n tempo van 312 m³/s vrygelaat om 1 000 MW krag op te wek.

Volgens 'n padbord langs die dam:

As gevolg van die snel veranderende watervlak en die geweldige suigkrag van die tribunes, word geen of die gebruik van enige vorm van bote op die dam toegelaat nie. Swem in die dam is verbode. Hengel vanaf die oewer geskied op eie risiko.

Die dam is 'n paar kilometer van die Drakensville-vakansieoord geleë.

Sien ook

• Lys van grootste damme in Suid-Afrika