Knobbeleend

Die knobbeleend (Sarkidiornis melanotos) is 'n algemene standvoël in Suid-Afrika.

Knobbeleend
'n Knobbeleendwyfie (Sarkidiornis melanotos melanotos)
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Anseriformes
Familie:	Anatidae
Genus:	Sarkidiornis Eyton, 1838
Spesie:	S. melanotos
Binomiale naam
Sarkidiornis melanotos (Pennant, 1769)
Subspesies
S. m. melanotos; S. m. sylvicola

Identifikasie

'n Manlike knobbeleend

Hierdie eend is onmiskenbaar. Hulle het 'n swart nek, kop en onderlyf en glansende blou-swart rugkante. Die kop is gespikkeld met donker kolle. Die manlike voël is groter as die vroulike voël en het 'n groot swart knop op die snawel. Dit is veral tydens broeityd baie opvallend. Beide die manlike en vroulike voël het wit onderkante.

Habitat

Die knobbeleend kom voor by varswatermoerasse, damme en mere.

Dieet

Die eend eet hoofsaaklik plantaardige materiaal sowel as sade van waterplante. Waterdiertjies en sprinkane is ook gesogte happies.

Broeigewoontes

Die voëls broei hoofsaaklik in holtes van bome, en lê 7 tot 15 eiers. Neste word ook soms op die grond aangetref.

Verspreiding

Hierdie eend broei in die trope in Suid-Amerika, Afrika suid van die Sahara en Indië. Hulle word ook aangtref oor die hele Afrika, Madagaskar en in Suid-Afrika, maar is seldsaam suid van die Oranjerivier.

Ander name

'n Gedetailleerde skets van 'n kobbeleendmannetjie se kop.

• Engelse naam: Comb Duck / Knob-billed Duck
• Wetenskaplike naam: Sarkidiornis melanotos

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bronnelys

• KENNIS,  vol 14, 1980, bl. 2898-2899,  ISBN 0 7981 0836 3