Koningin Beatrix Internasionale Lughawe

Koningin Beatrix Internasionale Lughawe (Nederlands: Internationale luchthaven Koningin Beatrix), is 'n internasionale lughawe geleë in Oranjestad, Aruba. Dit bied vlugdienste na die Verenigde State, Kanada, verskeie lande in die Karibiese eilande, die noordelike kuslande van Suid-Amerika, sowel as sommige dele van Europa, veral Nederland. Dit is vernoem na Beatrix van Nederland, wat van 1980 tot 2013 koningin van Nederland was.

Koningin Beatrix Int. Lughawe Internationale luchthaven Koningin Beatrix Aeropuerto Internacional Reina Beatrix
IATA: AUA – ICAO: TNCA
Opsomming
Tipe lughawe		Openbaar
Eienaar		Aruba Airport Authority N.V.
Ligging		Oranjestad, Aruba
Spil vir		Aruba Airlines
Fokuspunt vir		Aerosucre
Hoogte bo seevlak		60 vt / 18 m
Koördinate		12°30′05″N 70°00′55″W
Webtuiste		airportaruba.com
Landkaart
AUA Ligging van die lughawe in Aruba
Aanloopbane
Rigting	Lengte		Oppervlak
	m	vt
11/29	2 743	8 999	Teer
Bron: DAFIF

Die lughawe bied die Verenigde State se grensvoorklaringsfasiliteite. 'n Terminaal vir private vliegtuie is in 2007 geopen. Die lughawe het vroeër as die spilpunt gedien vir die bankrot lugredery Air Aruba, wat vir baie jare 'n internasionale lugredery was. Voor Aruba se skeiding van die Nederlandse Antille in 1986 was dit ook een van drie spilpunte vir ALM Antillean Airlines sowel as 'n tuisbasis vir Tiara Air tot 2016.

Sedert 2013 is die lughawe die tuiste van Aruba Airlines, 'n plaaslike lugredery. Die lugredery het drie Airbus A320neo-familievliegtuie en twee Bombardier CRJ200. Die hooffokus van Aruba Airlines is om die streek deur sy spilpunt te verbind.

Geskiedenis

In 1934 het Manuel Viana 'n weeklikse pos- en passasiersdiens tussen Aruba en Curaçao van stapel gestuur. 'n Loening C-2H Air Yacht PJ-ZAA met A.J. Viccellio as loods het vanaf 'n moddervlakte-aanloopbaan opgestyg. Kommersiële dienste is vanaf 24 Desember 1934 deur KLM oorgeneem. Later is dit na 'n gegradeerde aanloopbaan bekend as die KLM-veld oorgeplaas.

Tydens die Tweede Wêreldoorlog is die lughawe deur die Amerikaanse Weermag se sesde lugmag gebruik wat die Karibiese skeepvaart en die Panamakanaal teen vyandige Duitse duikbote verdedig het. Die vliegveld is herdoop na Dakota Field; die terminaalfasiliteite het Dakota-lughawe geword.

Op 22 Oktober 1955 is die lughawe tydens 'n koninklike besoek na prinses Beatrix van Nederland vernoem. Dit is in 1980 hernoem na haar troonbestyging.

Op 3 Maart 2021 het American Airlines sy 50 jaar van vlieg na en van Aruba gevier.

Statistiek

Besigste VS-roetes vanaf Aruba (2009–2010)

Rang	Stad	Passasiers	Lugdiens
1	New York–JFK, New York	237 498	Delta, JetBlue
2	Miami, Florida	209 364	American
3	Newark, New Jersey	145 448	JetBlue, Continental/United
4	Atlanta, Georgia	139 547	Delta
5	Charlotte, Noord-Carolina	120 362	US Airways/American
6	Boston–Logan	113 910	JetBlue, Delta
7	Philadelphia, PA	67 993	US Airways/American
8	Washington–Dulles, VA	27 477	United
9	Chicago–O'Hare, Illinois	18 362	United, US Airways/American
10	Houston–Interkontinentaal	15 727	Continental/United

Galery

• 
  'n Delta Boeing 737-800 oppad na Atlanta staan geparkeer by hek 4
• 
  Lugverkeerbeheertoring
• 
  Baggasie-ontvangsband
• 
  Welkomteken
• 
  Die nie-VSA vertrekgebou