Lola Pagnani

	Lola Pagnani
Geboortenaam	Anna Lola Pagnani Stavros
Geboorte	3 April 1972; Rome
Nasionaliteit	Italië
Beroep(e)	Aktrise, danseres
Aktiewe jare	1989 – hede
Internet-rolprentdatabasis-profiel

Lola Pagnani (* 3 April 1972) is 'n Italiaanse aktrise en danseres.

Biografie

Lola Pagnani is as Anna Lola Pagnani Stavros en dogter van die outeur en draaiboekskrywer Enzo Pagnani in Rome gebore. Op die ouderdom van 17 jaar het sy in Parys 'n graad in kontemporêre dans behaal. Sy was die prima ballerina van die dansgroep Momix tydens hulle wêreldtoernooi en het by die choreografie van die Cirque du Soleil in Montreal saamgewerk. Sy was die prima ballerina van München se operahuis onder regie van Lina Wertmüller en die dirigent Giuseppe Sinopoli. Sy het daarna 'n graad by die Alvin Ailey American Dance Theater in New York behaal. Hier het sy later ook toneelkuns by die HB Studio gestudeer en vervolgens na Italië teruggekeer.

In haar geboorteland het sy begin om met die groot name van die Italiaanse en internasionale toneel- en rolprentbedryf saam te werk, waaronder Ettore Scola, Giulio Base en Lina Wertmüller. Daarnaas het sy ook in produksies onder regie van Spike Lee, John Turturro en Abel Ferrara gespeel.

In Italië het sy saam met Tulio Solenghi en Riccardo Garrone in advertensie-rolprente vir die koffievervaardiger Lavazza opgetree en gedurende twee opeenvolgende jare vir die onderhoudprogram Maurizio Costanzo Show gewerk. Sy is daarnaas uitgenooi om saam te werk met Enrico Montesano, Marco Columbro, Barbara De Rossi, Blas Roca Rey, Enrico Brignano, Nino Manfredi, Vittorio Gassman en Shelley Winters. Onder persoonlike toesig van Shelley Winters het Lola Pagnani by die Actor's Studio in Los Angeles gestudeer. Hier het sy ook saam met Teddey Sherman 'n privaatopleiding gevolg.

In New York het sy vir die televisiemaatskappy Rai International by verskeie televisieprogramme gewerk en as gasvrou van die program PoP Italia opgetree. Sy het daarnaas ook met Gianni Battistoni se tydskrif Associazione Via Condotti saamgewerk.

Haar nuutste projek is 'n dokumentêr wat sy saam met die Amerikaanse produsent en regisseur Melissa Balin gaan maak, Women Seeking Justice. Dit sal stories oor ongeregtigheid dwarsoor die wêreld behandel en is onder meer deur haar persoonlike ervaring as slagoffer van 'n Camorra-komplot geïnspireer.

Lola Pagnani is vloeiend in Italiaans, Frans, Spaans en Engels.

Filmografie

Silwerdoek

Trafitti da un raggio di sole (1995) - Fabiola
Polvere di Napoli (1996) - Rosita
Ninfa plebea (1996) - Lucia
Ferdinando e Carolina (1999) - Sara Goudar
La bomba (1999) - Daisy
Il pranzo della domenica (2002)
Gente di Roma (2003)
Women Seeking Justice (2007)

Televisie

Pazza famiglia (1995)
Commissario Raimondi (1998) - Esmeralda
Anni 50 (1998)
La squadra (2000)
Un posto al sole (2001) - Roberta Cantone
Francesca e Nunziata (2001)
Carabinieri 5 (2005)
Un ciclone in famiglia 2 (2005)
Donne sbagliate (2006)
Capri (2006) - Maria Rosaria

Toneel

Eksterne skakels

Amptelike webwerf Geargiveer 24 Julie 2008 op Wayback Machine
Studio Morea-Lo Cascio, Lola's Press in Rome Geargiveer 5 Desember 2008 op Wayback Machine