Makhenkesi Stofile
Makhenkesi Arnold Stofile (27 Desember 1944 – 15 Augustus 2016) was 'n Suid-Afrikaanse politikus. Hy was die Minister van Sport en Ontspanning van 2004 tot 2010.[1][2] Ten tye van sy dood was hy 'n ambassadeur in Duitsland.[3]
| Makhenkesi Stofile | |
Ambassadeur in Duitsland
| |
| Ampstermyn 1 Junie 2011 – 15 Augustus 2016 | |
Minister van Sport en Ontspanning
| |
|---|---|
| Ampstermyn 29 April 2004 – 31 Oktober 2010 | |
| Voorafgegaan deur | Ngconde Balfour |
| Opgevolg deur | Fikile Mbalula |
| Ampstermyn 4 Februarie 1997 – 26 April 2004 | |
| Voorafgegaan deur | Raymond Mhlaba |
| Opgevolg deur | Nosimo Balindlela |
Persoonlike besonderhede
| |
| Gebore | 27 Desember 1944 Adelaide, Kaapprovinsie |
| Sterf | 15 Augustus 2016 (op 71) Alice, Oos-Kaap |
| Politieke party | African National Congress |
Stofile is in Adelaide in die Oos-Kaap gebore.[4] Hy het vir 'n meestersgraad in teologie aan die Universiteit van Fort Hare studeer. In 1983 het hy 'n MA van die Princeton-universiteit verwerf.
Stofile het in 1963 by die African National Congress aangesluit. Hy is deur die destydse Ciskeise regering vir die herberg van terroriste aangekla en is drie jaar tronkstraf opgelê.
Hy was ook 'n geordende predikant van die Verenigende Presbiteriaanse Kerk in Suider-Afrika.
Stofile was nie net 'n politikus en kerkmens nie, maar ook 'n sportman in eie reg. Hy het op skrumskakel en vleuel vir die Grens uitgedraf. Hy het ook nie-rassige sport bepleit. In 1984 is hy na Nieu-Seeland, waar hy 'n suksesvolle veldtog teen die All Blacks se beplande toer na Suid-Afrika gevoer het.
Ná die verkiesing van 1994 was Stofile die ANC se hoofsweep in die Nasionale Vergadering. Hy het die posisie tot sy aanstelling as premier van die Oos-Kaap in 1997 beklee.
In 2009 was hy erg gekant teen die geslagstoetse wat die atleet Caster Semenya moes ondergaan, en het hy met 'n "derde wêreldoorlog" gedreig. Die toetse het bevind dat die atleet 'n hermafrodiet is.[5]
Hy sterf op 15 Augustus 2016 in die ouderdom van 71 by sy huis in Alice, Oos-Kaap.[6]
Verwysings wysig
- ↑ "Info". Geargiveer vanaf die oorspronklike op 12 Junie 2012. Besoek op 16 Augustus 2016.
- ↑ http://www.iol.co.za/sport/sascoc-welcome-mbalula-s-appointment-1.690854
- ↑ http://www.suedafrika.org/en/news-archive/newsarchive-details/datum////accreditation-of-ambassador-reverend-dr-makhenkesi-arnold-stofile.html[dooie skakel]
- ↑ "Arnold Stofile". Geargiveer vanaf die oorspronklike op 15 Julie 2007. Besoek op 16 Augustus 2016.
- ↑ Wheeler, Virginia; Harry Haydon (10 September 2009). "'We'll go to war over Caster'" (in Engels). The Sun. Geargiveer vanaf die oorspronklike op 11 Desember 2015. Besoek op 11 September 2009.
And today the country's sports minister Makhenkesi Stofile said: "I think it would be the third world war. We will go to the highest levels in contesting such a decision.
- ↑ http://www.news24.com/SouthAfrica/News/former-sports-minister-stofile-[dooie skakel] sterf-20160815
| Politieke poste | ||
|---|---|---|
| Voorafgegaan deur Raymond Mhlaba |
Premier van die Oos-Kaap 1997–2004 |
Opgevolg deur Nosimo Balindlela |
| Voorafgegaan deur Ngconde Balfour |
Minister van Sport en Ontspanning 2004–2010 |
Opgevolg deur Fikile Mbalula |