Mercedes-Benz W201

Mercedes-Benz W201
(190, 190 E, 190 D)
Oorsig
Vervaardiger	Mercedes-Benz
Ook genoem	Baby Benz; Kaengsaeng 88 (Noord-Korea, 1990–94, Duitse CKDs); Pyeonghwa 410 (Noord-Korea, 1994–02, Indiese CKDs)
Produksie	September 1982 – April 1993; 1 874 668 vervaardig
Montering	Duitsland: Bremen; Duitsland: Sindelfingen; Pole: Jelcz-Laskowice; Thailand: Thonburi
Ontwerper	Peter Pfeiffer; Bruno Sacco (1979)
Bakwerk en onderstel
Klas	Kompakte uitvoerende (D-segment)
Bakstyl	4-deur sedan
Uitleg	Voorenjin, agterwielaandrywing
Spesifikasies
Enjin(s)	Petrol:; 1.8, 2.0, 2.3 L M102 8V I4; 2.3, 2.5 L M102 16V I4; 2.6 L M103 I6; 3.2 L M103 AMG I6; Diesel:; 2.0, 2.2 L OM601 I4; 2.5 L OM602 I5 diesel; 2.5 L OM602 Turbodiesel I5;
Ratkas	4- of 5-gang handrat; 4-gang 4G-Tronic outomaties
Lengte	4420 – 4448 mm
Breedte	1678 – 1690 mm
Hoogte	1982–88: 1390 mm; 1988–93: 1375 mm
Massa	1110-1300 kg
Asafstand	2665 mm
Plek in geskiedenis
Opvolger	Mercedes-Benz C-klas (W202)

Die Mercedes-Benz W201 was die eerste kompakte uitvoerende motor wat deur die Duitse motorvervaardiger Mercedes-Benz vervaardig is. Dit is in 1982 bekendgestel, en is in die groottekategorie onder die Mercedes-Benz W123/W124-modelle geplaas en as variante van die Mercedes-Benz 190 bemark. Bruno Sacco, ontwerper van die motor en hoof van stilering by Mercedes-Benz van 1975-1999, beskou dit as sy gunstelingontwerp.

Die W201 het 'n innoverende agterste suspensie van 5 skakels, wat later in die E- en C-klasmodelle gebruik is, voor- en agter-teenrolstawe, anti-duik- en anti-hurk-geometrie, sowel as lugsakke, sluitweer-remstelsel en veiligheidsgordels. Dit was die eerste reeksvervaardigde motor in die geskiedenis wat wydverspreide gebruik van liggewig-hoësterkte staal gemaak het, wat deesdae die standaard in motorontwerp is.

Van die belangrikste innovasies van die W201-reeks hou verband met die veiligheid van insittendes. Die bakwerkhoeke is ontwerp om 'n skuinsongeluk in 'n betonversperring teen ongeveer 56 km/h te kan weerstaan, sonder ernstige beserings aan die insittendes en 'n grootliks onbeskadigde passasierskajuit, 'n voorruit wat in plek bly en deure wat maklik oopgemaak kan word sonder spesiale reddingsgereedskap.

Agtergrond

Plaaslike rompslomp in Bremen (wat destyds kommersiële voertuie vervaardig het) het Daimler-Benz verhinder om die 190 daar te bou, en daarom is produksie in Sindelfingen begin met 'n kapasiteit van net 140 000 eenhede per jaar. Uiteindelik, na net die eerste jaar, is Bremen se monteerlyne skoongemaak vir die produksie van die 190 en vervang daarmee sy handelsvoertuiglyne.

Bemarking

Die W201 het goed verkoop in Europa, maar swak gevaar in die Verenigde State.^[3] Produksie van die reeks is op 13 April 1993 gestaak nadat ongeveer 1,8 miljoen eenhede vervaardig is. Die 190 is in die kompakte uitvoerende motorsegment deur die C-klas opgevolg, 'n nuutgeskepte naamplaatjie wat ook die nuwe letter-eerste-modelbenaming bekendgestel het.

Petrolmodelle

1985 Mercedes-Benz 190 E (Australië)

Binneruim van 'n 1985 190 E

Die 190 E (E vir Einspritzung) -model gebruik die Bosch KE-Jetronic multipunt-brandstofinspuiting in plaas van die vergasser van 190-modelle. Danksy hul brandstofinspuitingstelsel het 190 E-modelle meer krag gelewer en was meer brandstofdoeltreffend in vergelyking met 190-modelle wat nie brandstof ingespuit was nie.^[4]

Dieselmodelle

Mercedes 190 D

Die 190 D was beskikbaar met drie verskillende enjins. Die 2.0 L-inlynvierenjin was die basismotor en is nooit in Noord-Amerika bemark nie. 'n 2.2-liter-weergawe, met dieselfde drywing as die 2.0 L, is in September 1983 bekendgestel. Dit was slegs beskikbaar in die jare 1984 en 1985, en slegs in die VSA en Kanada. Die 2,5 L inlynvyf-enjin was in die laat 1980's en vroeë negentigerjare beskikbaar. Die 2.5 L Turbo-enjin, wat jare lank op die vasteland van Europa verkoop is, maar nie die Verenigde Koninkryk nie, was eers in 1987 aan Amerikaanse kopers beskikbaar gestel en is nou 'n versamelstuk. Die buitekant van die 2.5 Turbo-model is anders as ander modelle deurdat daar luginlate in die voorste modderskerm aan die passasierskant aangebring is om lug na die turboaanjaer te voer.

2.5-16 Cosworth-enjin

1990 Mercedes-Benz 190E 2.5-16V (VK)

190 E 2.5-16 Evolusie I

Enjins

Verplasing	Tipe	Konfigurasie	Krag	Maks spoed	Model
1,997 cc	Vergasser	I4 8V	66 kW; 89 pk	175 km/h	190
1,997 cc	Vergasser	I4 8V	77 kW; 104 pk	185 km/h	190
1,737 cc	Inspuiting	I4 8V	79 kW; 106 pk	185 km/h	190 E 1.8
1,797 cc	Inspuiting	I4 8V	80 kW; 108 pk	185 km/h	190 E 1.8
1,997 cc	Inspuiting	I4 8V	90 kW; 120 pk	196 km/h	190 E, 190 E 2.0
2,298 cc	Inspuiting	I4 8V	100 kW; 134 pk	200 km/h	190 E 2.3
2,597 cc	Inspuiting	I6 12V	122 kW; 164 pk	214 km/h	190 E 2.6
2,299 cc	Insp. ECE	I4 16V	136 kW; 182 pk	230 km/h	190 E 2.3-16
2,299 cc	Insp. RÜF	I4 16V	130 kW; 175 pk	225 km/h	190 E 2.3-16
2,299 cc	Insp. KAT	I4 16V	125 kW; 168 pk	220 km/h	190 E 2.3-16
2,498 cc	Insp. RÜF	I4 16V	150 kW; 201 pk	235 km/h	190 E 2.5-16
2,498 cc	Insp. KAT	I4 16V	143 kW; 191 pk	230 km/h	190 E 2.5-16
2,498 cc	Inspuiting	I4 16V AMG p/p	165 kW; 222 pk	245 km/h	190 E 2.5-16
2,463 cc	Insp. KAT	I4 16V Evo I	143 kW; 191 pk	230 km/h	190 E 2.5-16
2,463 cc	Inspuiting	I4 16V Evo II	173 kW; 232 pk	249 km/h	190 E 2.5-16
1,997 cc	Diesel	I4 8V	53 kW; 71 pk	161 km/h	190 D 2.0
1,997 cc	Diesel	I4 8V	55 kW; 74 pk	161 km/h	190 D 2.0
2,199 cc	Diesel	I4 8V	54 kW; 72 pk	161 km/h	190 D 2.2
2,497 cc	Diesel	I5 10V	69 kW; 93 pk	175 km/h	190 D 2.5
2,497 cc	Turbodiesel	I5 10V	90 kW; 120 pk	192 km/h	190 D 2.5 Turbo

AMG-modelle

AMG 1993 DTM kompetisiemotor

AMG was nog nie deel van Mercedes-Benz toe die 190 begin vervaardig is nie, maar 'n afsonderlike ren- en instelonderneming. Aangesien AMG wedrenondervinding in die DTM-reeks gehad het, het hulle al die fabrieks-petrolenjins vir hul klante ingestel, en die 190 E was een daarvan. Beter enjininstelling het 19 kW (25 pk) oor die standaardmotor bygevoeg. Aërodinamiese funksies soos agterste drukvlerke en voorste splitsers is aangebring om stabiliteit teen hoë snelhede te verseker, asook allooiwiele en 'n netjiese leerbinneruim.

Mercedes 190 D BlueEFFICIENCY (2009)

Die 190 D BlueEFFICIENCY is 'n eksperimentele voertuig wat die verbeterings in die dieselmotortegnologie gedurende die afgelope 20 jaar getoon het, in isolasie van die ewe diepgaande veranderinge in die veiligheid en gemak van die motor as geheel. Dit is gebaseer op 'n 1988 D 2.6 van 1988 wat toegerus is met 'n Mercedes-Benz OM651-enjin, wat 150 kW lewer teen 1600–1800 opm. Die 190 D BlueEFFICIENCY versnel van 0 tot 100 km/h in 6,2 sekondes, met 'n brandstofdoeltreffendheid van 4,9 liter per 100 kilometer (NEDC).^[5]

Verwysings

↑ Kittler, Eberhard (2001). Deutsche Autos seit 1990, Band 6 [German Cars since 1990, vol. 6] (in Duits). Stuttgart: Motorbuch Verlag. p. 100. ISBN 3-613-02052-1.
↑ http://www.mb190.de/w201-190-sedan/geschichte.html
↑ "Warren Brown - Compact Luxury Taken to a Higher Level". The Washington Post. 28 Junie 2007. Besoek op 10 Oktober 2010.
↑ http://www.benzinsider.com/2007/03/mercedes-history-the-201-series-1982-1993/
↑ "The Mercedes 190 D BlueEFFICIENCY experimental vehicle - Back to the future: Baby-Benz with an up-to-date C-Class diesel engine" (in Engels). Geargiveer vanaf die oorspronklike op 12 Desember 2013. Besoek op 28 Maart 2012.

[Kittler6-1] Kittler, Eberhard (2001). Deutsche Autos seit 1990, Band 6 [German Cars since 1990, vol. 6] (in Duits). Stuttgart: Motorbuch Verlag. p. 100. ISBN 3-613-02052-1.

[2] ttp://www.mb190.de/w201-190-sedan/geschichte.html

[3] "Warren Brown - Compact Luxury Taken to a Higher Level". The Washington Post. 28 Junie 2007. Besoek op 10 Oktober 2010.

[4] ttp://www.benzinsider.com/2007/03/mercedes-history-the-201-series-1982-1993/

[5] "The Mercedes 190 D BlueEFFICIENCY experimental vehicle - Back to the future: Baby-Benz with an up-to-date C-Class diesel engine" (in Engels). Geargiveer vanaf die oorspronklike op 12 Desember 2013. Besoek op 28 Maart 2012.

[1]

[2]

[3]

[4]

[5]