Marthinus Philippus Prinsloo
Marthinus Philippus Prinsloo (22 Oktober 1905 - 5 November 1991) ook bekend as Mnr. Jukskei en Oom Prinsie Prinsloo was 'n senator, LV van Innesdal in Pretoria, lid van die Broederbond en 'n stigterslid en later voorsitter van die Suid-Afrikaanse Jukskeiraad.
| Marthinus Philippus Prinsloo | |
 | |
Senator
| |
| Ampstermyn 1975 – 1980 | |
| President |
|
|---|---|
LV Innesdal
| |
| Ampstermyn 1970 – 1975 | |
| President | Jim Fouché |
| Eerste minister | B.J. Vorster |
Persoonlike besonderhede
| |
| Gebore | 22 Oktober 1905[1] Barkly-Oos, Kaapprovinsie, Suid-Afrika |
| Sterf | 5 November 1991 (op 86)[1] Pretoria, Transvaal, Suid-Afrika |
| Kiesafdeling | Innesdal |
| Ouers |
|
| Eggenoot/-note | Magdalena Catharina Frederika |
| Kind(ers) | 5 |
| Religie | Nederduitse Gereformeerde Kerk |
| Handtekening | 
|
Lewe
wysig
Prinsloo is gebore naby Barkly-Oos, Kaapprovinsie (tans die Oos-Kaap), as een van vier kinders van Jacobus en Elsie Prinsloo. Hy is op die ouderdom van vyf opgeneem in die Abraham Kriel-Kinderhuis in Langlaagte, Johannesburg.[2] Hy was 'n lidmaat en ouderling van NG Kerk Rietfontein-Noord. Hy is op 12 Augustus 1933 met Magdalena Catharina getroud en hulle het vyf kinders gehad.[3]
Hy was 'n magistraat in Johannesburg en het sy laerweteksamen in 1938 geslaag.[4]
Op 25 Oktober 1940 is die Jukskeiraad gestig, Prinsloo was 'n stigterslid en kry die bynaam "Mnr. Jukskei". Hy word later voorsitter van die raad en hy word vir meer as 13 agtereenvolgende jare verkies.
Prinsloo het in 18 Februarie 1970 begin staan as Nasionale Party-kandidaat vir die kiesafdeling Innesdal. Sy opponent was Jaap Marais,[5] en hy het ook as voorsitter van die Oos-Kaapse groepsgebiederaad in Port Elizabeth gedien. In 1975 word hy verkies in die parlement as 'n senator en het onder 3 presidente gedien, hy was in dié pos tot die ontbinding van die senaat in 1980 en het daarna onder John Vorster en President P.W. Botha in verskeie hoedanighede gedien, insluitend die klassifikasieraad.[2][6]
Sterfte
wysigOp 20 Oktober 1991 het Prinsloo 'n ligte beroerte gehad, waarna hy saam sy vrou, in die Eugene Marais-hospitaal in Pretoria opgeneem is. Hy is op 5 November in die Renaissance-tehuis vir verswakte bejaardes aan nierversaking oorlede, en is uit die NG kerk Skuilkrans in Pretoria begrawe, hy is oorleef deur 5 kinders.[2]
Moderne tyd
wysigOp 4 Januarie 2024 het RSG 'n dokumentêr vrygestel om 290 jaar van jukskei te vier, in die uitsending kan M.P. Prinsloo gehoor word.[7]
Foto's
wysig- Foto's van Marthinus Philippus Prinsloo
-
M.P. Prinsloo as jong man. -
M.P. Prinsloo (voorste ry, middellinks) met die Noord-Transvaalse Jukskeibond. -
Spotprent gemaak van M.P. Prinsloo deur Rapport 1972. -
Goewerneur-generaal C.R. Swart saam met M.P. Prinsloo (regs) en die burgemeester van Kroonstad, A.J.J. Duursema (links). -
M.P. Prinsloo staan by sy verkiesingsbanier. -
M.P. Prinsloo Verkiesingplaatjie. -
M.P. Prinsloo (derde ry links, 7de) by die 1971 Senaat gesamentlike sitting. -
Pretoria se M.P. Prinsloo (2de van links) en ander LV's vergader by die Constantiaklub. -
M.P. Prinsloo in 1987.
Verwysings
wysig- ↑ 1,0 1,1 "Marthinus Philippus Prinsloo". geni.com. 21 April 2013. Geargiveer vanaf die oorspronklike op 3 Februarie 2024. Besoek op 3 Februarie 2024.
- ↑ 2,0 2,1 2,2 Beeld (5 November 1991). "Oud-senator met Oos-Kaapse bande oorlede.". Persberig. 10.
- ↑ "Marthinus Philippus Prinsloo". ancestry.com. 2024. Besoek op 3 Februarie 2024.
- ↑ Gemeenskaplike komitee vir professionele eksamens, Lys van geslaagde kandidate, Gemeenskaplike komitee vir professionele eksamens, Desember 1938.
- ↑ Hoofstad (18 Maart 1970). "Steun julle leiers, vra oom Prinsie.". Persberig. 13.
- ↑ Newbury, D. (1 Oktober 2005). "'Lest we forget': photography and the presentation of history at the Apartheid Museum, Gold Reef City, and the Hector Pieterson Museum, Soweto". semanticscholar.org. p. 3. doi:10.1177/1470357205055919. Geargiveer vanaf die oorspronklike op 20 Februarie 2024. Besoek op 20 Februarie 2024.
- ↑ De Klerk, Marize (4 Januarie 2024). "290 JAAR IN DIE SANDPUT". omny.fm. Geargiveer vanaf die oorspronklike op 3 Februarie 2024. Besoek op 3 Februarie 2024.