Natalia Republiek

Natalia Republiek

← 1839 – 1843 →
Vlag
Die Natalia Republiek was in die suidelike helfte van die gebied geleë
Hoofstad	Pietermaritzburg
Taal/Tale	Nederlands, Zoeloe, Engels
Godsdiens	Nederduits Gereformeerde Kerk
Regering	Republiek
Kommandant-Generaal	Andries Pretorius
Wetgewer	Volksraad van Natalia
Historiese tydperk	Groot Trek
- Gevestig	12 Oktober 1839
- Slag van Bloedrivier	16 Desember 1838
- Alliansie met Zoeloes	Januarie 1840
- Ontbind	12 Mei 1843
Vandag deel van	KwaZoeloe-Natal, Suid-Afrika

Die Natalia Republiek was 'n Boererepubliek met 'n kortstondige bestaan. Dit is in 1839 deur Natalse Voortrekkers gestig kort na die beroemde Slag van Bloedrivier. Die republiek was geleë aan die kus van die Indiese Oseaan, noodoos van die Oos-Kaap en is te vore Natalia gedoop deur Portugese seevaarders. Die republiek is in 1843 deur Brittanje beset en geannekseer.

Kaart van die Boererepublieke

Die Britte het die Voortrekkers as hulle onderdane beskou en was gekant teen die idee dat hulle onderdane kon wegtrek na grondgebied wat buite hulle beheer was. Na die Britse anneksasie van die Natalia Republiek het meeste van die Voortrekkerboere noord na die Transoranje en Transvaal getrek. Die gebied tussen die Oranje- en Vaalrivier is later ook deur Brittanje geannekseer as die Oranjerivier-Soewereiniteit voordat dit later omskep is in die Oranje-Vrystaat republiek en die Zuid-Afrikaansche Republiek in die Transvaal gevestig is.

Eksterne Skakels

• The Great Trek 10 — Natalia

Bibliografie

• Die Republiek Natalia. In: Lantern. Tydskrif vir Kennis en Kultuur. Jaargang 23, nr. 3, Maart 1974.