Odendaalsrus
Odendaalsrus is die oudste mynboudorp in die Lejweleputswa Distriksmunisipaliteit in die Vrystaat provinsie, Suid-Afrika. Die dorp lê 16 km noord van Welkom, 11 km suid van Allanridge en is deel van die Vrystaatse Goudveld.
Odendaalsrus | |
|---|---|
 Straat in Odendaalsrus | |
  Odendaalsrus Odendaalsrus se ligging in Vrystaat | |
| Koördinate: 27°52′0″S 26°41′0″O / 27.86667°S 26.68333°O | |
| Land |  Suid-Afrika |
| Provinsie | Vrystaat |
| Distrik | Lejweleputswa |
| Munisipaliteit | Matjhabeng |
| Stigting | 1949 |
| Oppervlak | |
| • Totaal | 30,61 km2 (11,82 vk. myl) |
| Hoogte | 1 339 m (4 393 ft) |
| Bevolking (2011)[1] | |
| • Totaal | 9 393 |
| • Digtheid | 307/km2 (800/vk. myl) |
| Rasverdeling (2011) | |
| • Wit mense | 41.3% |
| • Indiërs/Asiërs | 0.7% |
| • Bruin mense | 1.1% |
| • Swart mense | 56.6% |
| • Ander | 0.3% |
| Taal (2011) | |
| • Afrikaans | 46.8% |
| • Sotho | 31.9% |
| • Xhosa | 7.7% |
| • Engels | 5.9% |
| • Ander | 7.7% |
| Poskode (strate) | 9480 |
| Poskode (posbusse) | 9480 |
| Skakelkode | 057 |
Geskiedenis: Voor die ontdekking van goud
wysig
Die eerste inwoner was die Voortrekker HW Huyser wat sy plaas daar uitgelê en dit Kalkkuil genoem het. In 1878 is die plaas aan JJ Odendaal verkoop. In 1899 het die NG Kerk besluit om 'n nuwe gemeente en dorp in die omgewing te stig en die keuse het op Kalkkuil geval. Die eerste erwe is in dieselfde jaar verkoop en die dorp is na JJ Odendaal genoem. Die enigste verbinding met die buitewêreld was 'n tweespoorpad van 35 km na Hennenman. Die dorp het in daardie stadium ook 'n watertekort ondervind en water is uit 'n private put verkoop. Die dorp het in 1912 munisipale status ontvang. Die stadsekretaris was W Furst.
Geskiedenis: Na die ontdekking van goud
wysigGoud is reeds in die 1890's net noord van Odendaalsrus deur die handelaar Gustav Furst ontdek maar dit geen uitwerking op die dorp gehad nie. In 1946 is goud op die plaas Geduld, ongeveer 4 kilometer vanaf die dorp, ontdek - die rykste goudrif in die wêreld. Snelle ontwikkeling het daarop gevolg. In daardie stadium het die dorpie slegs 40 huise gehad. Eiendomspryse het tienvoudig gestyg en die dorpie is oorstroom deur fortuinsoekers. Om al die toerusting na Odendaalrus te vervoer is 'n takspoor in 1948 vanaf Whites via Welkom na die dorp en Allanridge gebou.
Distrik
wysigDie distrik is 872 km2 groot en in 1949 geproklameer. Uiteraard is goud die belangrikste bedryf terwyl mielies, sorghum en ander graan ook verbou word.
Sien ook
wysigVerwysings
wysig- ↑ 1,0 1,1 1,2 1,3 "Hoofplek Odendaalsrus". Sensus 2011.