Orkney, Noordwes

Orkney is 'n dorp suid van Klerksdorp in die Noordwesprovinsie, Suid-Afrika. Die dorp het aansienlike mediadekking in die laat 1980's en vroeë 1990's gekry as agtergrond vir die SAUK se sepie, Orkney Snork Nie.

Orkney
Dorp
Orkney  Orkney se ligging in Noordwes
Koördinate: 26°58′44″S 26°40′9″O
Land	Suid-Afrika
Provinsie	Noordwes
Distrik	Dr Kenneth Kaunda
Munisipaliteit	Matlosana
Stigting	1940
Oppervlak
• Totaal	16,43 km2 (6,34 vk. myl)
Hoogte	1 301 m (4 268 ft)
Bevolking  (2011)
• Totaal	13 435
• Digtheid	818/km2 (2 120/vk. myl)
Rasverdeling (2011)
• Wit mense	51.0%
• Indiërs/Asiërs	0.2%
• Bruin mense	1.5%
• Swart mense	46.8%
• Ander	0.4%
Taal (2011)
• Afrikaans	51.3%
• Sotho	14.8%
• Tswana	10.4%
• Xhosa	8.9%
• Ander	14.7%
Poskode (strate)	2620
Poskode (posbusse)	2619
Skakelkode	018

Geskiedenis

'n Skotsman, ene Simon Fraser, was in die laat 1880's na die goudvelde in die Wes-Transvaal gelok. Hy was vanaf die Orkadiese (Orkney) eilande in Skotland afkomstig. Hy het sy myn Orkney genoem en so het die dorp bekend geraak. Die dorp is op 20 Maart 1940 geproklameer. Fraser se ou skag, waar erts met 'n kruiwa na die oppervlak gebring is, word nog steeds as 'n ventilasieskag vir Vaal Reefs gebruik.

Op 5 Augustus 2014 omstreeks 12:20 het 'n aardbewing, met episentrum 6 km oos van Orkney plaasgevind. Die aardbewing het 5.3 op die Richterskaal geregistreer en is oor groot dele van Suid-Afrika gevoel. Nagenoeg 400 huise, drie klinieke en 'n paar skole is tydens die aardbewing beskadig.

Omgewing

Die verslete naambord op Orkney se treinstasie.

Orkney is op die oewers van die Vaalrivier geleë. Die Orkney-Vaal vakansieoord is ook hier ontwikkel. Die naaste buurdorp is Klerksdorp en dit lê ongeveer 180 km suidwes van Johannesburg naby die N12 nasionale pad.

Sien ook

• Gereformeerde kerk Orkney
• Lys van dorpe in Suid-Afrika
• NG gemeente Orkney

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4