Patats

Die patat (Ipomoea batatas) is 'n dikotiele plant wat behoort tot die familie Convolvulaceae. Dit is 'n groot bron van stysel met 'n soet smaak, die knolagtige wortels is 'n wortelgroente. Die jong blare en lote word soms geëet as groenigheid. Van die sowat 50 genera en meer as 1 000 spesies van Convolvulaceae, is I. batatas die enigste gewas van groot belang - 'n paar ander word plaaslik gebruik, maar heelparty is eintlik giftig. Patats is net verlangs verwant aan die aartappel (Solanum tuberosum) en behoort nie aan die nastergalfamilie (Solanaceae) nie.

Patats
Blom
Knolagtige wortels
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Solanales
Familie:	Convolvulaceae
Genus:	Ipomoea
Spesie:	I. batatas
Binomiale naam
Ipomoea batatas (L.) Lam.

Die genus Ipomoea van die patat bevat ook verskeie tuinblomme genaamd "morning glories", alhoewel die term gewoonlik nie uitgebrei word na Ipomoea batatas nie. Sommige kultivars van I. batatas word as ornamentele plante gekweek.

Die plant is 'n meerjarige kruidagtige wingerdstok, met alternatiewe hartvormige of handvormige gelobde blare en mediumgrootte blomme. Die eetbare knolagtige wortel is lank en spits, met 'n gladde skil waarvan die kleur wissel tussen geel, oranje, rooi, bruin, pers en beige. Die vlees wissel van beige tot wit, rooi, pienk, geel, oranje en pers. Patatrasse met wit of liggeel vlees is minder soet en klam as diegene met rooi, pienk of oranje vlees.

Patatkoek van Réunion

Eksterne skakels

• Wikimedia Commons het meer media in die kategorie Patats.
• Wikispecies het meer inligting verwant aan Patats

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.