Pous Celestinus I
Celestinus I was die 43ste pous van die Rooms-Katolieke Kerk.
| Pous Celestinus I | |
|---|---|
| |
| Geboortenaam | Celestinus |
| Pontifikaat begin | 10 September 422 |
| Pontifikaat eindig | 6 April 432 |
| Voorganger | Bonifatius I |
| Opvolger | Sixtus III |
| Gebore | Rome, Italië |
| Sterf | 6 April 432 Rome, Italië |
| Ander pouse genaamd Celestinus | |
| Sint Pous Celestinus I | |
|---|---|
| Gebore | Rome, Italië |
| Sterfte | 6 April 432, Rome, Italië |
| Vereer in | Rooms-Katolieke Kerk Grieks-Ortodokse Kerk Kopties-Ortodokse Kerk |
| Feesdag | 6 April (Rooms-Katolieke Kerk) 8 April (Grieks-Ortodokse Kerk) |
| Attribute | Duif, draak, vlam |
Biografie wysig
Van Pous Celestinus I word beweer dat hy familie was van keiser Valentinianus III. Sy vader se naam was Priscus. Daar is aanwysings dat hy 'n tydjie in Milaan gewoon het by Sint Ambrosius. Op 10 September 422 volg hy Pous Bonifatius I op en regeer tot sy dood op 6 April 432. Hy word opgevolg deur Pous Sixtus III. Die naam ‘Celestinus’ (Latyn: Coelestinus of Caelestinus) beteken ‘die verhewene’.
Pontifikaat wysig
Pous Celestinus het die konsilie van Efese in 431, waar die Nestorianisme veroordeel is, byeengeroep. Hy verwerp ook die Pelagianisme, die Novatianisme en die Donatisme. Biskop (later Teenpous) Novatianus word deur hom geëkskommunikeer.
Op 15 Maart 431 stuur Celestinus vier briewe aan die biskoppe van Illiricum, Narbonne, Afrika en Thessaloniki. Celestinus was baie aktief in die sending. Hy stuur Patricius (Sint Patrick) na Ierland, waar Paladius reeds aktief was.
Verering wysig
Celestinus is begrawe op die kerkhof van die heilige Priscilla. Sy relike is later verplaas na die basiliek van Santa Prassede. Hy word heilige vereer in die Rooms-Katolieke Kerk. Sy feesdag is op 6 April. In die Oosters-Ortodokse Kerk is sy feesdag op 8 April. In die kuns word hy met 'n duif, 'n draak of vuur afgebeeld.
Verwysings wysig
- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
Eksterne skakels wysig
| Wikimedia Commons bevat media in verband met Caelestinus I. |
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- CE Inskrywing in die Catholic Encyclopedia (Engels)
Nota wysig
Saamgestel uit die Nederlandse, Engelse, Duitse en Franse wikipedia.
Opvolging wysig
| Voorafgegaan deur Bonifatius I |
Pous (Pontifex Maximus) 422 – 432 |
Opgevolg deur Sixtus III |