Renosterrivier (Vaal)

Vir ander riviere met dieselfde naam, sien die dubbelsinnigheidsbladsy by Renosterrivier.

Die Renosterrivier is 'n groot sytak van die Vaalrivier in die Vrystaatprovinsie van Suid-Afrika.

Renosterrivier
Petrus Steyn se eertydse plaas, Sterkfontein, verwys na die rivier se oorsprong Petrus Steyn se eertydse plaas, Sterkfontein, verwys na die rivier se oorsprong
Stroomgebied	Vrystaat, Suid-Afrika
Oorsprong	Petrus Steyn
Monding	Vaalrivier
Monding-hoogte	1 451 m
Renosterrivier
Koördinate: 26°58′28″S 26°55′11″O

Die rivier ontspring by Petrus Steyn en vloei noordwes verby Heilbron tot in die Koppiesdam. Daarna vloei dit weswaarts verby die dorpie Koppies en later onderdeur die N1 nasionale pad. Naby Viljoenskroon swenk dit noordwes, vloei onder deur die R59 en R501 en sluit by die Vaalrivier aan by Renovaal, ongeveer 25 km oos van Orkney.

Die Renosterrivier het 'n opvanggebied van ongeveer 6650 vk. kilometer. Die Koppiesdam is die enigste groot dam op die rivier, en is hoofsaaklik gebou vir besproeiingsdoeleindes. Die sytakke van die Renosterrivier is die Doringspruit, Elandspruit, Gelukspruit, Hessebronspruit, Heuningspruit, Karoospruit, Rietspruit en die Vaalbankspruit.

Eksterne skakel

• Google-kaart van die Renosterrivier se monding by Geonames.org (cc-by)