Retief Odendaal
Retief Odendaal (gebore 28 Mei 1982) is 'n Suid-Afrikaanse politikus wat sedert 21 September 2022 as die Uitvoerende Burgemeester van Nelson Mandelabaai dien. Hy was 'n Lid van die Provinsiale Wetgewer in die Oos-Kaap vir die Demokratiese Alliansie en was die skadulid van die Uitvoerende Raad (LUR) vir Finansies, Landelike Ontwikkeling en Landbouhervorming van Mei 2019 tot Augustus 2022.
| Retief Odendaal | |
Burgemeester van die Nelson Mandelabaai Metro
| |
|---|---|
| Ampsbekleër | |
| Termynaanvang 21 September 2022 | |
| Voorafgegaan deur | Eugene Johnson |
Lid van die Federale Raad van die Demokratiese Alliansie
| |
| Ampsbekleër | |
| Termynaanvang 2014 | |
Lid van die Oos-Kaapse Provinsiale Wetgewer
| |
| Ampstermyn 22 Mei 2019 – 4 Augustus 2022 | |
Persoonlike besonderhede
| |
| Gebore | 28 Mei 1982 Port Elizabeth, Oos-Kaap |
| Politieke party | Demokratiese Alliansie |
| Eggenoot/-note | Anne-Marie Potgieter |
| Kind(ers) | 2 |
Vroeë lewe en opvoeding wysig
Odendaal is in die kusstad Port Elizabeth (nou Gqeberha), Oos-Kaap, gebore en was op skool by die Hoërskool Otto Du Plessis. Hy het van 2001 tot 2005 aan die Nelson Mandela Metropolitaanse Universiteit studeer waar hy 'n LLB-graad verwerf het. Hierna het hy sy internskap by Delport, van Niekerk Prokureurs gedoen. Hy is 'n praktiserende prokureur in Nelson Mandelabaai en 'n politikus.
Politieke loopbaan wysig
Retief Odendaal het in 2004 by die Demokratiese Alliansie (DA) aangesluit. Hy is 'n stigterslid van die DA-jeug in Nelson Mandelabaai wat in 2004 gestig is. Hy het in 2009 die wyk 6-raadslid in Nelson Mandelabaai geword en as die raadslid gedien tot die Suid-Afrikaanse munisipale verkiesing van 2016. Odendaal was ook van 2014 tot 2016 die leier van die opposisie in Nelson Mandelabaai. In 2016 toe die DA die grootste party in Nelson Mandelabaai geword het,[1] is hy deur die destydse burgemeester Athol Trollip as 'n burgemeesterskomiteelid vir Finansies in Nelson Mandelabaai aangewys.[2]
Retief is sedert 2014 lid van die Demokratiese Alliansie se Federale Raad en is ook verkies as voorsitter van die Provinsiale Dissiplinêre Komitee vir die DA in die Oos-Kaap.[3] Hy het ook van 2017 tot 2019 as die ondervoorsitter van die DA in die Oos-Kaap gedien.
Odendaal is in die munisipale verkiesing van 2021 as raadslid van Nelson Mandelabaai verkies, maar hy het die pos van die hand gewys. Odendaal se afwesigheid van die eerste raadsvergadering op 22 November 2021 het daartoe gelei dat die DA-burgemeesterskandidaat Nqaba Bhanga met een stem teen die ANC-burgemeesterskandidaat Eugene Johnson verloor het.[4]
Op 28 Julie 2022 het die DA en ander opposisiepartye 'n koalisie-ooreenkoms onderteken om die ANC-geleide alliansie van bewind in Nelson Mandelabaai te verwyder.[5] Die volgende dag is Odendaal as die DA se burgemeesterskandidaat vir die metro aangekondig.[6] Hy het op 4 Augustus 2022 uit die Provinsiale Wetgewer bedank. Op 21 September 2022 is hy verkies tot Uitvoerende Burgemeester van Nelson Mandelabaai en die jongste persoon wat ooit as burgemeester in Nelson Mandelabaai se geskiedenis verkies is.[7]
Persoonlike lewe wysig
Odendaal praat vlot Afrikaans en Engels. Hy is op 24 September 2010 in Port Elizabeth met Anne-Marie Potgieter getroud; hulle het drie kinders.
Verwysings wysig
- ↑ "DA locks down Nelson Mandela Bay with multi-party coalition". News24. 17 Augustus 2016.
- ↑ "Meet Trollip's A-team". News24. 7 September 2016.
- ↑ "People's Assembly - Retief Odendaal". PeoplesAssembly.
- ↑ Ellis, Estelle (22 November 2021). "Local Government: Nelson Mandela Bay: Gqeberha follies: The absent councillor, the close vote and the dramatic collapse of coalition talks". Daily Maverick (in Engels). Besoek op 31 Julie 2022.
- ↑ Felix, Jason. "Nelson Mandela Bay: Opposition parties a step closer to ousting ANC as new coalition agreement signed". News24 (in Engels (VSA)). Besoek op 31 Julie 2022.
- ↑ "DA's Retief Odendaal is Nelson Mandela Bay mayor-elect". ewn.co.za (in Engels). Besoek op 31 Julie 2022.
- ↑ "DA's Odendaal leaves Bhisho to become Bay councillor". HeraldLIVE (in Engels). Besoek op 5 Augustus 2022.