Roeipotiges

Roeipotiges of pelikaanagtiges (Pelecaniformes) is 'n biologiese orde van medium-groot en groot voëls, wat uit 5 families en 111 spesies bestaan. Hulle word wêreldwyd aangetref. Die meeste van hierdie voëls het swemvliese aan hul pote. Hulle behoort tot die klade van watervoëls.

Pelecaniformes Tydperk: Laat Kryt–onlangs, 66–0 m. jaar gelede PreЄ Є O S D C P T J K Pg N
Pelecanus occidentalis
Wetenskaplike klassifikasie
Koninkryk:	Animalia
Filum:	Chordata
Klas:	Aves
Subklas:	Neornithes
Infraklas:	Neognathae
Superorde:	Aequornithes
Orde:	Pelecaniformes Sharpe, 1891
Families
Pelecanidae Ardeidae Balaenicipitidae Scopidae Threskiornithidae

Tradisioneel (maar verkeerdelik) is alle voëls met vier gewebde tone aan hulle pote onder die klas ingedeel. Die meeste spesies het 'n kaal vlek aan die keel. Hul neusgate het in splete ontwikkel wat nie behoorlik werk nie. As gevolg hiervan haal hulle deur hul bekke asem. Hulle vreet vis, pylinkvis en soortgelyke seediere.

Roeipotiges broei in kolonies, maar die individuele voëls is monogaam (paar lewenslank met dieselfde maat). Die kuikens is aanvanklik naak (sonder vere), totaal hulpeloos en word deur hul ouers versorg.

Taksonomie

• Ardeidae (Reiers)
• Balaenicipitidae (Skoenbekooievaar)
• Pelecanidae (Pelikane)
• Scopidae (Hamerkop)
• Threskiornithidae (Ibisse en lepelaars)

Eksterne skakels

• Wikimedia Commons het meer media in die kategorie Roeipotiges.
• Wikispecies het meer inligting verwant aan Roeipotiges