Langvin-geelstert

Die Langvin-geelstert (Seriola rivoliana) is 'n vis wat voorkom in die Indiese- en Stille Oseaan gebied, die Rooisee, Oman en aan die ooskus van Afrika suidwaarts tot by Knysna. In Engels staan die vis bekend as die Longfin yellowtail of die Longfin amberjack.

Langvin-geelstert
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Carangidae
Genus:	Seriola
Spesie:	S. rivoliana
Binomiale naam
Seriola rivoliana Valenciennes, 1833
Sinonieme
Seriola bonariensis (Valenciennes, 1833) Seriola bovinoculata (Smith, 1959) Seriola colburni (Evermann & Clark, 1928) Seriola coronata (Poey, 1860) Seriola declivis (Poey, 1860) Seriola dubia (Lowe, 1839)

Identifikasie

Gevang in Palau

Die vis word tot 70 cm lank. Die vis het 'n redelike lang en slank lyf. Bykans die hele lyf is silwer-olyf met die onderste sye wat effens ligter is. Daar is kenmerkende geel-bruin breë streep wat oor die kop strek en ook oor die lengte van die lyf, maar hier is dit ligter. Die pektorale vinne is kort. Al die vinne is donker behalwe die anale vin wat 'n wit rant het.

Die vis leef in aflandige riwwe asook in oopsee in water wat 15 tot 70m diep is. Hulle bly in klein tot groot skole en word aangetrek deur skubaduikers se borrels.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Seriola rivoliana by FishBase.