Shosholoza Meyl
Shosholoza Meyl is 'n afdeling van PRASA (Passenger Rail Agency of South Africa) wat langafstand (tussenstedelike) passasiersdienste aanbied. Hulle bedryf verskeie treine dwarsoor Suid-Afrika,[1] en vervoer nagenoeg 4 miljoen passasiers per jaar.[2] Voor 2009 het Shosholoza Meyl deel uitgemaak van Spoornet, maar dit is ná die stigting van PRASA aan hulle oorgedra.
Die eerste deel van die naam, Shosholoza is 'n Zoeloewoord wat beteken "om vorentoe te beur". Dit is ook die naam van 'n gewilde Suid-Afrikaanse volksliedjie. Meyl is afgelei van mayili wat in die volksmond "langafstandtrein" beteken.
In Augustus 2010 het Shosholoza Meyl hulle dienste opgeskort, na bewering as gevolg van kontrakprobleme (tussen Transnet en Prasa) of onbetroubare treine. Van die dienste is weer in November 2010 hervat.[3][4]
Roetes
wysigTeen Januarie 2020 bedien Shosholoza Meyl die volgende roetes:[5]
- Johannesburg – Kimberley – Kaapstad
- Johannesburg – Pietermaritzburg – Durban
- Johannesburg – Bloemfontein – Port Elizabeth
- Johannesburg – Bloemfontein – Oos-Londen
- Johannesburg – Nelspruit – Komatipoort
- Johannesburg – Polokwane – Musina
- Kaapstad – Kimberley – Bloemfontein – Pietermaritzburg – Durban
- Kaapstad – Oos-Londen
Spoorgebruik
wysig
Shosholoza Meyl treine loop op die Kaapspoor (spoorwydte van 1067 mm) hoofstroomspoorlyn van Transnet. Die treine word deur lokomotiewe getrek. Die meeste roetes is vol-geëlektrifiseerde 3 kV GS en 25 kV WS-stelsels, met gewoonlik Klas 6E1-lokomotiewe op die 3 kV-stelsel en klas 7E1 op die 25 kV-stelsel. Diesel word vir die Johannesburg - Port Elizabeth treine tussen Bloemfontein en Noupoort gebruik, en op die Durban - Kaapstad treine tussen Bloemfontein en Kimberley. Voor 2002 was die Pretoria - Kaapstadtreine ook deur diesellokomotiewe tussen Kimberley en De Aar getrek.
Samestelling
wysigDie treine word saamgestel uit drie soorte waens:
- Sleeper 4: ses 4-persoon kompartemente en twee 2-persoon koepees, met stort- en toiletgeriewe.
- Sleeper 6: ses 6-persoon kompartemente en twee 3-persoon koepees, met stort- en toiletgeriewe.
- Sitter: 72 sitplekke, in 18 rye van 4 sitplekke elk met 'n paadjie in die middel, plus toiletgeriewe. Daar is ook verskeie ouer tipes waens met verskillende geriefsvlakke in gebruik as sitters.
Sedert 1 Julie 2006 het Shosholoza Meyl sy Sleepers en Sitters as afsonderlike treine bedryf. Vanaf 1 November 2006 is slaapwaens weer ingestel op uitgesoekte Ekonomietreine, al was hierdie besluit egter kort daarna omgekeer. Deesdae het die ekonomietreine weer net Sitter-waens.
Voorvalle
wysigOp 4 Januarie 2018 was die Shosholoza Meyl tussen Hennenman en Kroonstad onderweg toe dit 'n vragmotor by 'n spooroorgang te Genéva-stasie tref. 21 mense het in die ontsporing gesterf en 254 is beseer. Twee 12-jarige plaasseuns, Evert du Preez en Mokoni Chaka, het die beseerdes te hulp gekom.[6]
Op 12 Februarie 2020 was 'n Shosholoza Meyl-trein wes van Johannesburg onderweg toe dit naby Bonny Doone-weg in Horizon View met 'n goederetrein gebots het. Een persoon het gesterf en verskeie is beseer.[7] Na die voorval het die Spoorweg-veiligheidsreguleerder alle Shosholoza Meyl-bedrywighede onbepaald opgeskort.[8]
Dienste is vanaf 27 November 2020 hervat,[9] maar weens Covid-19 word beskikbare sitplek op die trein beperk en passasiers moet hulle eie voedsel, drinkgoed en beddegoed verskaf.
Verwysings
wysig- ↑ "argiefkopie". Geargiveer vanaf die oorspronklike op 2 Maart 2009. Besoek op 23 Junie 2012.
- ↑ "argiefkopie". Geargiveer vanaf die oorspronklike op 16 Januarie 2006. Besoek op 23 Junie 2012.
- ↑ ""LEANER" SHOSHOLOZA MEYL SERVICE". Railways Africa. Geargiveer vanaf die oorspronklike op 21 Maart 2012. Besoek op 31 Oktober 2010.
- ↑ "SHOSHOLOZA MEYL SERVICES REINSTATED". Railways Africa. Geargiveer vanaf die oorspronklike op 21 Maart 2012. Besoek op 27 November 2010.
- ↑ "Train Routes" (in Engels). Shosholoza Meyl. Geargiveer vanaf die oorspronklike op 2 November 2019. Besoek op 3 Januarie 2020.
- ↑ Smith, Charles (7 Januarie 2021). "Hennenman-treinramp: 'Die nagmerries bly terugkom'". netwerk24.com. Netwerk24. Besoek op 11 Januarie 2021.
- ↑ "At least one killed, several injured in Joburg train collision". News24.
- ↑ "'Speeding' Shosholoza Meyl stopped in its tracks following fatal train crash". News24.
- ↑ "Shosholoza Meyl is finally back. Here's how much you will pay for long-distance trains".
Eksterne skakels
wysig| Wikimedia Commons bevat media in verband met Shosholoza Meyl. |
- Shosholoza Meyl se webtuiste Geargiveer 18 September 2009 op Wayback Machine
- PRASA se webtuiste