Soljanka
Soljanka (Russies: соля́нка) is 'n dik, suur sop van Russiese oorsprong[2][3] wat algemeen genuttig word in Rusland, Oekraïne en ander state van die voormalige Sowjetunie en dele van die voormalige Oosblok.
| Soljanka | ||
| ||
| Soljanka met olywe. | ||
| Soort gereg | Sop | |
| Land |  Rusland,  Letland,[1]  Oekraïne
| |
| Hoofbestanddeel | Vleis, vis of sampioene, agurkies | |
| Ander bestanddele | Aartappels, kool, suurroom en dille | |
Oorsig wysig
Daar is drie basiese soorte soljanka. Die hoofbestanddeel is vleis, vis of sampioene. Almal bevat agurkies met pekel, en dikwels kool, gesoute sampioene, aartappels, suurroom en dille. Die sop word berei deur die agurkies te kook voordat die ander bestanddele by die kragsop gevoeg word.
- Vir vleissoljanka word bestanddele soos beesvleis, ham, wors of hoenderborsies saam met tamaties, uie, olywe, kappertjies, pietersielie en dille fyngemaak en in 'n pot gemeng. Die kragsop word bygevoeg en alles word vir 'n kort tydjie op die stoof warm gemaak, sonder dat dit kook.[4]
- Vissoljanka word op dieselfde manier berei, maar sopgroente word in die kragsop gekook. Die vleis word vervang met vis soos steur, salm en varswaterkreef. Aan die einde word suurlemoensap bygevoeg.[5]
- Vir sampioensoljanka word gesnyde kool in botter warm gemaak saam met asyn, tamaties en agurkies. Sampioene en uie word apart warm gemaak, en gerasperde suurlemoenskil word bygevoeg. Kool en sampioene word in lae bygevoeg, broodkrummels en botter word bygevoeg en die sop word vir 'n kort rukkie gebak.[6]
- Vir sampioensoljanka met aartappels word uie en sampioene geskil, gewas en in repies gesny saam met ingelegde komkommers. Nadat olie in 'n pan verhit is, word uie kortliks gebraai, waarna sampioene en komkommers bygevoeg word vir verdere braai. Gesnyde aartappels word in kokende water geplaas, gevolg deur die gebraaide mengsel. Nadat dit gekook is, word ingemaakte olywe en 'n lourierblaar bygevoeg, gesout na smaak en vir 'n kort tydperk verder gekook. Die soljanka word voorgesit met 'n suurlemoenskyfie, vars kruie en met suurroom of mayonnaise na keuse.[7]
Verwysings wysig
- ↑ From Peasant to Pleasant. The Cuisine of Latvia (PDF). The Latvian Institute. 2014. p. 9. ISBN 978-9-98-473651-8. Besoek op 12 Desember 2017.
- ↑ Похлёбкин, Вильям (1983). Национальные кухни наших народов. p. 9.
- ↑ Георгієвський, Микола (1967). Українська кухня. p. 6.
- ↑ Солянка мясная сборная / Meat solyanka(rus.)
- ↑ Суп рыбная солянка классическая / Classic fish solyanka(rus.)
- ↑ Грибная солянка с капустой/ Mushroom solyanka with cabbage(rus.)
- ↑ "Грибная солянка с картошкой / Solyanka met sampioene en aartappels".
Skakels wysig
Wikimedia Commons het meer media in die kategorie Soljanka.
Hierdie artikel is in sy geheel of gedeeltelik uit die Engelse Wikipedia vertaal.
