Stilton
Stilton is ’n Engelse kaas waarvan daar twee soorte is: blou, wat bekend is vir sy sterk smaak en reuk, en die minder bekende wit. Albei word in Europa beskerm; net kase wat in Derbyshire, Leicestershire en Nottinghamshire volgens streng regulasies gemaak word, mag die naam "stilton" kry. Die kaas wat deesdae gemaak word op die dorp Stilton (wat nou in Cambridgeshire val en van waar die naam kom) kan dus nie as stiltonkaas verkoop word nie.[1]
| Stilton | ||
| ||
| Blou stilton. | ||
| Oorsprong | Engeland | |
| Melkbron | Koeie | |
| Eienskappe | ||
| Gepasteuriseer | Ja | |
| Tekstuur | Halfsag, krummelrig | |
| Veroudering | Minstens 9 weke | |
Vervaardiging
wysig
Blou stilton se kenmerkende blou are word verkry deur die kors van die kaas met staalnaalde te deurboor; dit laat lug in die kaas instroom. Die vervaardiging en verouderingsproses duur sowat 9 tot 12 weke. Plaaslike, gepasteuriseerde melk word gebruik.
Net ses[2] melkerye kan stilton maak: drie in Leicestershire, twee in Nottinghamshire en een in Derbyshire. Hulle word onderwerp aan gereelde oudits deur ’n onafhanklike agentskap.
Verbruik
wysigBlou stilton word dikwels saam met seldery of pere geëet. Dit word ook gebruik om groentesop mee te geur, veral romerige seldery- of broccolisop.[3] Dit word ook saam met kraakbeskuitjies of brood geniet, ’n kaassous kan daarvan gemaak word om oor ’n steak te eet of dit kan in ’n slaai gekrummel word. Port of sjerrie gaan goed saam daarmee.
Die buitelaag van die kaas vorm natuurlik tydens die verouderingsproses en is ten volle eetbaar, anders as die buitelaag van kase soos edam.
Verwysings
wysig- ↑ Aaron-Spencer Charles (28 Desember 2011). "Cheese made in Stilton not allowed to be called Stilton – it's the law" (in Engels). Geargiveer vanaf die oorspronklike op 1 Desember 2012. Besoek op 28 Desember 2011.
- ↑ Iconography Ltd. "Stilton Cheese – The Stilton Producers". stiltoncheese.co.uk (in Engels). Geargiveer vanaf die oorspronklike op 29 Januarie 2019.
- ↑ "Broccoli & Stilton Soup recipe" (in Engels). The Accidental Smallholder. Geargiveer vanaf die oorspronklike op 25 Julie 2011.
Eksterne skakels
wysig- Stilton Cheesemakers' Association
Wikimedia Commons het meer media in die kategorie Stilton.
Hierdie artikel is vertaal uit die Engelse Wikipedia
