Suid-Afrikaanse Bofbalunie

Die Suid-Afrikaanse Bofbalunie (SABU) is die nasionale beheerliggaam van bofbal in Suid-Afrika.

Bofbal word in alle provinsies gespeel, maar dit is nie 'n toonaangewende sport nie as gevolg van die gewildheid en relatiewe sukses van die vergelykbare sport van krieket, waarin Suid-Afrika een van die leidende lande is. Die Unie is 'n lid van die Wêreld-bofbal-sagtebalkonfederasie (WBSC), en die Internasionale Bofbalfederasie (IBAF). SABU is ook geaffilieer met die Suid-Afrikaanse Sportkonfederasie en Olimpiese Komitee (SASCOC) wat saam met Sport en Ontspanning Suid-Afrika (SRSA) alle georganiseerde sport in Suid-Afrika beheer. SABU beheer die Suid-Afrikaanse nasionale bofbalspan , wat reeds deelgeneem het aan verskeie groot sportsgeleenthede, soos die Olimpiese Somerspele, World Baseball Classic, Bofbal-wêreldbeker en die Afrika-spele.Die mees noemenswaardige bofbalspelers sluit Gift Ngoepe, Anthony Phillips en Dylan Unsworth in.

Geskiedenis

Bofbal in Suid-Afrika het op die Witwatersrand begin. Goudmynwerkers van die Verenigde State het die spel in Suid-Afrika begin speel wat gelei het tot die stigting van die Giants-bofbalklub van die Crown Mines-bofbalspan. Die Transvaalse Bofbalassosiasie is in 1905 gestig saam met een van die vroeëre klubs, naamlik die Wanderers-bofbalklub.Japannese invloed het gelei tot die vorming van die sport in Port Elizabeth, nadat 'n Japannese skip genaamd die Paris Maru in 1934 in Algoabaai gestrand het, wat daartoe gelei het dat die matrose vir drie maande gestrand was terwyl hulle vir die volgende skip gewag het. Die matrose het gevolglik 'n span saam met die plaaslike inwoners georganiseer wat vir VSA-maatskappye werksaam was, sowel as VSA-sendelinge by die Westborne-ovaal, wat uiteindelik in 1934 gelei het tot die stigting van die Oostelike Provinsie-bofbalassosiasie.Gedurende die Tweede Wêreldoorlog is bofbal nie amptelik gespeel nie, maar eers weer na die oorlog in 1945. Een van die eerste wedstryde was tussen 'n span van die Verenigde State wat gekies was van twee besoekende oorlogskepe van die Amerikaanse Vloot, die USS California (BB-44) en USS Tennessee (BB-43), met die Amerikaners wat 6-4 gewen het.Die 1950's was die goue era vir bofbal in Suid-Afrika, met populêre ondersteuning van beide spelers en plaaslik-gebaseerde besighede in Amerikaanse besit soos General Motors. 'n Span van die VSA het in 1956 deur Suid-Afrika getoer. Baie gewilde Suid-Afrikaanse Internasionale Springbokrugbyspelers het ondersteuning gebied aan plaaslike bofbal.In 1935 is die Suid-Afrikaanse Bofbalfederasie (nou die Suid-Afrikaanse Bofbalunie) gestig, met sy provinsiale affiliasies wat onderskeidelik Grens, Westelike Provinsie, Oostelike Provinsie, Noord-Transvaal en Transvaal was. Arthur Berezowski was 25 jaar, van 1949 tot 1974, aan die stuur van die Federasie. In 1950 het die Westelike Provinsie-bofbal-en-sagtebalunie 'n leidende rol begin speel, met 11 bofbal- en 23 sagtebalspanne.

Sien ook

• Suid-Afrikaanse nasionale bofbalspan

Hierdie artikel is in sy geheel of gedeeltelik vanuit die Engelse Wikipedia vertaal.

Eksterne skakels

• Die Wêreld Bofbal-Sagtebal Konfederasie se Amptelike webblad