Suid-Afrikaanse nasionale bofbalspan

Die Suid-Afrikaanse nasionale bofbalspan is 'n bofbalspan wat Suid-Afrika verteenwoordig in internasionale bofbal kompetisies soos die World Baseball Classic en die Olimpiese Somerspele. Die beheerliggaam is die Suid-Afrikaanse Bofbal Unie.

Geskiedenis

Op 5 Julie 1931 was die eerste interprovinsiale wedstryd tussen die enigste twee provinsiale spanne, Transvaal en Natal, voor vierduisend toeskouers gespeel. Van die spelers wat deelgeneem het was onder andere die Springbok krieketspeler Buster Nupen (Transvaal) en die toekomstige krieketspeler Leslie Payn (Natal). Springbok All-Star spanne sou later gebaseer wees op die beste van die provinsies, met Transvaal, Natal en die Westelike Provinsie wat gedomineer het. In 1933 het die wedstryd tussen Natal en Transvaal die Olimpiese Goue Medalje hekkiesatleet Sid Atkinson (Natal), die Springbok krieketspeler Eric Dalton (Natal), die Springbok krieketkaptein Jock Cameron (Transvaal) en die Springbok krieketspeler Syd Curnow (Transvaal) ingesluit. In 1934 het die wedstryd tussen Natal en die Westelike Provinsie die Springbok rugbyspeler Gerry Brand (Westelike Provinsie) ingesluit. Die Suid-Afrikaanse Bofbal Federasie was in 1935 gestig, met vyf provinsiale verenigings insluitende Transvaal, Natal (Gestig in 1931), Westelike Provinsie (Gestig in 1932), Oostelike Provinsie (Gestig in 1934) en Grens. Dit wil voorkom of die eerste Suid-Afrikaanse All-Star span gevorm was op 19 November 1938, toe 'n All Africa span wat opgemaak was uit die 'gekombineerde provinsies' teen 'n span van die Amerikaanse Vloot van die oorlogskip USS Boise gespeel het. Die Suid-Afrikaanse krieketspeler Dudley Nourse het 'n paar dae later vir Natal gespeel, en daar was opgemerk dat hy "lof van die besoekers ontvang het". Nourse sou later aangaan om die kapteinskap van die Suid-Afrikaanse krieketspan oor te neem sowel as om Springbok rekords te hou vir die aantal toetsverskynings en kolfgemiddelde. Toe hy in 1948 gekies is as Wisden se Krieketspeler van die Jaar, het die Pers-assosiasie gerapporteer dat Nourse "een van sy land se voorste bofbal deskundiges geword het". Die telling was 18-3 ten gunste van die Amerikaanse Vloot.Op 17 November 1945 het 'n Suid-Afrikaanse span wat opgemaak was uit spelers van die Transvaal, Natal, en die Oostelike- en Westelike Provinsies teen 'n Amerikaanse vloot-span van die USS Tennessee en USS California in Kaapstad gespeel. "Byna 20,000 toeskouers het die hoofwedstryd aanskou, welke die VSA span net-net met 2 tellings gewen het (ses tot vier)'.Op 19 Maart 1950 het die Australiese krieketspan voor 'n gerapporteerde skare van twaalfduisend mense hul toer met 'n bofbalwedstryd teen 'n gekombineerde Suid-Afrikaanse bofbalspan in Johannesburg beëindig.

Die Amerikaanse All-Stars(1955-1956)

Gedurende 'n besoek aan Battle Creek in Michigan, VSA in Julie 1955 het die voorsitter van die Suid-Afrikaanse Bofbal Raad met die President van die Amerikaanse Bofbalkongres vergader om reëlings te finaliseer vir die viering van bofbal se vyftigste bestaansjaar in Suid-Afrika. Die drie-maand-lange en onoorwonne drie-en-dertig wedstryd toer, het op 14 November 1955 begin en in Februarie 1956 geëindig. Die semi-professionele Amerikaanse All-Star span was deur die New York Yankees se Terry Bartron bestuur, en het die Brooklyn Dodgers Hall of Famer en Wêreldreeks naaswenner in 1953, Don Thompson, en Dick Stuart - wie sou voortgaan om Wêreldreeks-kampioen in 1960 te word - ingesluit. Sewe van die drie-en-dertig wedstryde was teen die eerste amptelike Suid-Afrikaanse All-Star "toetsspan", wat Noord- en Suid-Rhodesië ingesluit het.

Toernooi rekord

2006

Suid-Afrika se insluiting in die WBC was deur baie persone as ietwat van 'n verassing beskou. Geen Suid-Afrikaanse speler het al ooit in Major League Baseball gespeel nie totdat Gift Ngoepe saam met die Pittsburgh Pirates op 27 April 2017 gespeel het. In die span se eerste wedstryd, het hulle byna vir 'n skok gesorg teen Kanada, 'n span wat grotendeels bestaan het uit spelers wat in Major League Baseball speel. Suid-Afrika het 'n voorsprong van 8–7 geneem in die negende inning totdat hulle uiteindelik met 11–8 verloor het. Dit sou die naaste wees wat die span aan 'n oorwinning kon kom. Die Suid-Afrikaners het die volgende twee wedstryde verloor teen onderskeidelik Mexico met 'n telling van 10-4, en teen die VSA, in 'n "genade-reël" verkorte wedstryd met 'n verpletterende telling van 17–0.

2009

Suid-Afrika het tydens die 2009 World Baseball Classic in Groep B gespeel saam met Mexico, Kuba en Australië. In wedstryd 1 was Suid-Afrika deur die internasionale reus, Kuba, oordonder, met 6 home runs in 'n verpletterende 8–1 uitslag. Die Suid-Afrikaanse verdediging was egter 'n ligpunt in die wedstryd. Tydens die groep-eliminasie wedstryd het Suid-Afrika 'n hewige loesing op die lyf geloop teen die gashere Mexico, met 'n telling van 14–3. Alhoewel die Suid-Afrikaners met die begin van die 7de inning daarin kon slaag om die aanslag te beperk tot 'n een-lopie wedstryd, het Mexico toegeslaan op die onervare pitchers of gooiers, wat op 'n laat stadium die wedstryd betree het, en in die laaste drie innings 11 lopies gekry. Suid-Afrika het opgeëindig met 'n 0–2 rekord, met 4 lopies wat behaal is en 22 lopies wat teen hulle opgestapel was.

2012 Kwalifiseerder

Vier kwalifiserende toernooie was in 2012 geskeduleer vir die 2013 World Baseball Classic, met een span wat uit elke toernooi voortgaan om by die 12 spanne aan te sluit wat alreeds gekwalifiseer het deur ten minste een wedstryd tydens die 2009 World Baseball Classic te wen. Elk van die groepe het een span ingesluit met vorige ondervinding in die WBC, maar wat nie een wedstryd gedurende die 2009 toernooi kon wen nie. Suid-Afrika was tydens die 2013 World Baseball Classic Kwalifiseerder 1 saam met Spanje, Frankryk en Israel geplaas by die Roger Dean Stadion in Jupiter, Florida. Suid-Afrika het die eerste wedstryd van die dubbele-eliminasie toernooi teen die buiteperd, Israel, 7–3 verloor. Hulle is gevolglik geplaas saam met Frankryk in die verloorders-groep, waar Suid-Afrika daarin kon slaag om Frankryk te elimineer, in 'n 5–2 in 'n wedstryd van 11 innings nadat Paul Bell 'n dubbellopie geslaan het na die linkerveld in die 11de inning. Suid-Afrika het toe teen die uiteindelike WBC kwalifiseerder, Spanje, in die finaal van die verloorders-groep verloor, en was sodoende uitgeskakel uit die toernooi.

Olimpiese Spele

Die nasionale bofbalspan het in 2000 in hul eerste en enigste Olimpiese toernooi gespeel. Die span het opgeëindig met 'n rekord van 1–6, met hul enigste oorwinning wat teen Nederland gekom het.

Die oorwinning teen Nederland was hoofsaaklik te danke aan twee sleutelspelers:

• Tim Harrell - hy het in al 10 innings van die wedstryd gegooi, en slegs twee onverdiende lopies afgestaan met vyf walks, ses houe, en met vier strikeouts.

• Ian Holness - hy het in die 6de inning 'n solo Home Run teen Patrick de Lange geslaan. Hy het in die 20de kolfbeurt nog 'n Solo Home Run teen Rikkert Faneyte geslaan.

Suid-Afrika het vir die toernooi gekwalifiseer deur 3–0 teen Guam te wen in 'n Beste-Van-Vyf Afrika/Oseanië reeks.

All-Africa Games

Suid-Afrika was in 1999 die gasheerland van die All-Africa Games. Suid-Afrika het met gemak die goue medalje verower, deur al die ander spanne te verslaan. Suid-Afrika het met Lesotho (43–0) (met Ian Holness wat vier home runs geslaan het), Zimbabwe (37–2), Nigerië (19–1), Uganda (31–0) en Ghana (28–3) afgereken.

Suid-Afrika was tydens die 2003 toernooi in Abuja weereens die dominante span, en het met gemak die finaal gehaal waar hulle Nigerië met 'n telling van 15-0 verslaan het om Goud te wen.

Spanne

World Baseball Classic 2012 Kwalifiseerder Span

• Alessio Angelucci
• Paul Bell
• Kyle Botha
• Brandon Bouillon
• Kieran Cree
• Dylan De Meyer – Seattle Mariners
• Michael Dempsey
• Shannon Ekermans
• Jared Elario
• Kyle Ettisch
• Ryan Groves
• Richard Holgate
• Wesley Hoskins
• Gavin Jefferies
• Robert Lewis-Walker – Cincinnati Reds
• Dylan Lindsay
• Kieran Lovegrove – San Francisco Giants
• Wade Mackey
• Carl Michaels
• Faizel Moosa
• Gift Ngoepe – Pittsburgh Pirates
• Anthony Phillips – Oakland Athletics
• Jonathan Phillips
• Allan Randall
• Hein Robb – Minnesota Twins
• Tayler Scott – Chicago Cubs
• Dylan Unsworth – Seattle Mariners
• Darren Wedel
• Karl Weitz
• Brett Willemburg

Spanbestuurder

• Rick Magnante

2000 Olimpiese Somerspele

• Neil Adonis
• Clint Alfino
• Francisco Alfino
• Paul Bell
• Vaughn Berriman
• Jason Cook
• Errol Davis
• Simon de la Rey
• Nick Dempsey
• Ashley Dove
• Darryl Gonsalves
• Brian Harrell
• Tim Harrell
• Richard Harrell
• Ian Holness
• Kevin Johnson
• Willem Kemp
• More MacKay
• Liall Mauritz
• Glen Morris
• Alan Phillips
• Darryn Smith
• Russell van Niekerk

Spelers wat Suid-Afrika al verteenwoordig het.

• Neil Adonis
• Clint Alfino
• Francisco Alfino
• Alessio Angelucci
• Barry Armitage
• Paul Bell
• Vaughn Berriman
• Kyle Botha
• Scotty Bremner
• Jason Cook
• Errol Davis
• Simon de la Rey
• Dylan De Meyer
• Michael Dempsey
• Nick Dempsey
• Ashley Dove
• Shannon Ekermans
• Justin Erasmus
• Kyle Ettisch
• Gavin Fingleson
• Darryl Gonsalves
• Ryan Groves
• Brian Harrell
• Richard Harrell
• Tim Harrell
• Donavon Hendricks
• Ian Holness
• Kevin Johnson
• Michael Johnson
• Willem Kemp
• Tyrone Lamont
• Justin Lazarus
• Robert Lewis-Walker
• Roddi Liebenberg
• George Lintern
• Will Lintern
• Kieran Lovegrove
• Dave Lowery
• Morne Mackay
• Liall Mauritz
• Carl Michaels
• Mark Miller
• Faizel Moosa
• Glen Morris
• Mpho Ngoepe
• Alan Phillips
• Anthony Phillips
• Jonathan Phillips
• Ashley Scott
• Darryn Smith
• Raymond Tew
• Michael Trask
• Ryan Trask
• Russell van Niekerk
• Darren Wedel
• Konrad Weitz
• Brett Willemburg

Notas

Hierdie artikel is in sy geheel of gedeeltelik vanuit die Engelse Wikipedia vertaal.