Taco
'n Taco (meervoud: taco's) is 'n tradisionele Mexikaanse gereg[1] wat bestaan uit 'n handgrootte-tortilla met 'n vulsel. Die tortilla word dan om die vulsel gevou en met die hand geëet. 'n Taco kan verskeie soorte vulsels hê, soos bees-, vark- of hoendervleis, seekos, bone, groente en kaas, en daar is dus 'n groot verskeidenheid. Hulle word dikwels saam met geurmiddels soos salsa, guacamole of suurroom voorgesit, asook saam met groente soos blaarslaai, uie, tamaties en rissies. Taco's is 'n algemene vorm van antojitos, of Mexikaanse straatkos, wat oor die wêreld heen versprei het.
| Taco | ||
| ||
| Drie soorte taco's, kloksgewys van links: carnitas, carne asada en al pastor. Soos tradisioneel is, is hulle eenvoudig gegeur met koljander en gekapte uie, en voorgesit met lemmetjie om na smaak te gebruik. | ||
| Soort gereg | Vingerkos | |
| Land | Mexiko | |
| Hoofbestanddeel | Tortilla | |
| Ander bestanddele | Groente, kaas, salsa | |
Ander, soortgelyke geregte is burrito's, wat dikwels groter is en eerder gerol as gevou word; taquito's, wat gerol en gebraai word; en chalupas/tostadas, waar die tortilla eers gebraai word en dan 'n vulsel kry.
Tradisionele variasies wysig
Daar is talle tradisionele variasies van taco's, onder meer:
- Tacos al pastor ("veewagterstyl") of tacos de adobada word gemaak van dun snytjies gegeurde varkvleis wat aan 'n vleispen geryg en op 'n vertikale rotisserie gekook en met 'n vlam geskroei word terwyl dit draai.[2][3]
- Tacos de asador ("spit-taco's" of "gebraaide taco's") word gebraai tot krakerig en bevat chorizo asado. Elke soort word voorgesit op twee oorvleuelende klein tortillas en soms met guacamole, salsa, uie en koljander gegeur.
- Tacos de cabeza ("kop-taco's"), waarin 'n beeskop gebruik word.[2][3]
- Tacos de camarones ("garnaaltaco's") met gebraaide garnale. Word op 'n tortilla voorgesit met blaarslaai of kool, avokado en suurroom of mayonnaise.[2][3][4]
- Tacos de lengua ("beestongtaco's")[5]
- Tacos de pescado ("vistaco's") met gebraaide vis, blaarslaai of kool, en suurroom of mayonnaise. Dit het in die VSA ontstaan.[2][3]
- Tacos dorados (gebraaide taco's; letterlik "goue taco's") met vooraf gekookte, gevlokte hoender- of beesvleis. Dit word in 'n lang silinder gedraai en in diepvet gebraai tot krakerig.[2][3]
- Tacos sudados ("sweterige taco's") met 'n speseryagtige vleisvulsel. Dit word 'n lap bedek en gelos sodat die taco's stoom ("sweet") opvang om sag te word.[2][6]
Verwysings wysig
- ↑ "Definition: Taco". Real Academia Española. Geargiveer vanaf die oorspronklike op 16 Junie 2012. Besoek op 13 Junie 2008.
Tortilla de maíz enrollada con algún alimento dentro, típica de México.
- ↑ 2,0 2,1 2,2 2,3 2,4 2,5 Graber, Karen Hursh. "Wrap It Up: A Guide to Mexican Street Tacos (Deel 1 van 2)". Mexico Connect. Geargiveer vanaf die oorspronklike op 20 Februarie 2009. Besoek op 7 Julie 2008.
- ↑ 3,0 3,1 3,2 3,3 3,4 Graber, Karen Hursh. "Wrap It Up: A Guide to Mexican Street Tacos Deel 2: Nighttime Tacos". Mexico Connect. Geargiveer vanaf die oorspronklike op 1 Maart 2009. Besoek op 7 Julie 2008.
- ↑ Graber, Karen Hursh. "Tacos de camaron y nopalitos". Mexico Connect. Geargiveer vanaf die oorspronklike op 9 Augustus 2009. Besoek op 14 Augustus 2009.
- ↑ Bourdain, Anthony (7 Junie 2010). Medium Raw: A Bloody Valentine to the World of Food and the People Who Cook. A&C Black. p. 85. ISBN 978-1-4088-0914-3.
- ↑ "Tacos Sudados (Mexican recipe)". Mexican Cuisine. Geargiveer vanaf die oorspronklike op 8 Julie 2011. Besoek op 9 Julie 2008.
Skakels wysig
Wikimedia Commons het meer media in die kategorie Taco.
Hierdie artikel is in sy geheel of gedeeltelik uit die Engelse Wikipedia vertaal.
