Tilana Hanekom

Tilana Hanekom (1921-2002) was 'n Suid-Afrikaanse aktrise. Sy is veral bekend vir haar rolle in Elsa se Geheim (1979), Lig van ’n Eeu (1942) en Eendag vir Altyd (1985). Sy is gereeld op TV gesien in onder meer die Prins van Pretoria, Hoekie vir eensames en Agter Elke Man. Haar laaste verskyning op die verhoog was in 1994 in Die drie susters van Tsjechof. Daarna het sy en haar man bekend geword as die ouma en oupa in Sasol se Ama-glug-glug-advertensie.

Tilana Hanekom Tilly van der Hoven
Geboortenaam	Hester Mathilda Hanekom
Alias	Tillie
Geboorte	24 Oktober 1921 De Aar
Sterfte	22 Februarie 2002 Pretoria
Nasionaliteit	Suid-Afrika
Beroep(e)	Aktrise
Internet-rolprentdatabasis-profiel

Biografie

Die Hanekoms se Jongspan in 1947. Agter: Eghard van der Hoven, Tilana Hanekom, Daan Retief, Hentie van Rooyen en Danie Smuts. Voor: Martie Groenewald.

Hester Mathilda Hanekom is op 24 Oktober 1921 gebore, as die dogter van Hendrik Andries Hanekom en Matilda Hanekom (de Beer). Haar ouers het die eerste Afrikaanse beroepstoneelgeselskap gestig, en sy het saam het hulle die land deur getoer. Wena Naudé het haar aanvanklik onderrig. Sy is op 9 vir die eerste keer skool toe, maar kon graad 1 en graad 2 oorslaan om direk in graad 3 te begin. Sy het aan die Hoër Meisieskool Oranje gematrikuleer.

Sy raak verlief op die akteur Eghard van der Hoven wat by haar ouers se toneelgroep gewerk het. Eghard en Tilana het later saam met Danie Smuts, Daan Retief en Hentie van Rooyen hul eie geselskap gestig. In 1949 het hulle genoegsame geldelike sukses behaal (met 'n stuk genaamd Trou is nie perdekoop nie) om in die huwelik te kon tree. Die geselskap het tot in 1958 landwyd vol sale getrek met aanbiedings soos Ek onthou vir Mamma, Só praat die ou rivier en Scapino.

Hanekom is op 22 Februarie 2002 op 80-jarige ouderdom in haar slaap oorlede. Sy het twee kinders en vyf kleinkinders agtergelaat.

Filmografie

Toneel uit die toneelstuk: Ek onthou vir Mamma. Die drie moeders met hul drie dogters - almal saam in een N.T.O.-geselskap wat Ek onthou vir Mamma in 1954 opgevoer het. Die stuk het 'n jaar op die pad gebly. Links agter: Wena Naudé en voor haar Nilo, haar dogter. Middel: Elsa en Bobbette Fouché. Regs: Mathilda en Tilana Hanekom.

• Die Prince van Pretoria, 1992 as Mev. Malan
• Eendag vir Altyd, 1985 as Mev. Veenstra
• Geel Trui vir 'n Wenner, 1983 as Biologie-onderwyder
• Koöperasiestories, 1983 (TV-reeks) as Stefiena
• Elsa se Geheim, 1979
• Vrolike Vrydag die 13de, 1969 as De Wet se sekretaresse (Tilly van der Hoven)
• Paul Krüger, 1956 as Krüger se dogter
• Lig van ’n Eeu, 1942 as Tillie Hanekom