Vleikurper
Die vleikurper (Tilapia sparrmanii) is 'n wydverspreide en aanpasbare varswatervis wat in die warmer waters van Suider-Afrika aangetref word. Hulle is plaaslik in die noordelike dele vrygelaat en word so ver noord as Namibië, Angola, Botswana en Tanzanië aangetref.
| Tilapia sparrmanii | |
|---|---|
| |
| 'n Vleikurper van Tjilingálimeer, Malawi | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | |
| Spesie: | T. sparrmanii
|
| Binomiale naam | |
| Tilapia sparrmanii Smith, 1840
| |
Die vis staan in Engels bekend as die Banded tilapia en/of die Banded bream.
Voorkoms
wysig
Die vleikurper se kop en oë is groot, die bek is klein en reguit geplaas. Hy het drie tot ses reekse fyn tande wat in die middel groter is, op albei kake. Hy het ook ‘n driehoekige keelplaat met fyn tande.
Sy rugvin is lank, hoog agter met ‘n oranje/rooi rand. Die stertvin is goed ontwikkel, effens rond, gekleurd met ‘n rooi rand. Die anale vin is goed ontwikkel met ‘n punt na agter. Die buikvinne is goed ontwikkel, maar raak nie die anale vin nie. Die borsvinne is goed ontwikkel en gekleurd.
Die vleikurper is ‘n klein vissie, sowat 15 cm in lengte (die Suid-Afrikaanse hengelrekord is sowat 0,312 kg), en sy vorm is ovaal, amper rond.
Sy kleur is donker olyfbruin, met geen oranje of rooi op sy lyf nie. Hy het agt tot nege vertikale strepe, veral in die broeityd, en ‘n kol op sy rugvin en op sy kiefdeksel. Sy skubbe is grof vir sy grootte met ‘n telling van 27-29 op die systreep.
Habitat
wysigAs gevolg van hul geweldige aanpasbaarheid kom hulle in enige tipe water voor maar verkies waters met voldoende plantbeskutting.
Hulle onderneem lokale migrasies en mag skole vorm voor en tydens die eierlêtyd. Hulle waak oor die eiers, en mag mondbroeiers wees soos verskeie ander kurpersoorte.
Vleikurpers is omnivore en vreet enigiets. Die jonger vleikurpers leef op skaaldiere en inseklarwes, terwyl die volwassenes voed op land- en waterplante, organiese afval en insekte. Hulle word maklik met kunsaas aangekeer of ‘n klein hoekie met erdwurms, insekte, garnale of klein slakkies as aas.
Identifikasie
wysigHierdie is ‘n klein kurper en kan verwar word met ander jong kurpers; die kol op die rugvin behoort hier te help. Hy mag ook verwar word met die reënboog-kurper. Die reënboogkurper se bek sit egter skeef na bo en sy buikvinne is baie lank, dit raak maklik die anale vin.
Kyk ook
wysig| Wikimedia Commons bevat media in verband met Tilapia sparrmanii. |
Bronne
wysig- Hengelvisse in die Caprivi. Willem Botha. 1984.