Stompneus-pompano
Die Stompneus-pompano (Trachinotus blochii) is 'n vis wat voorkom in die Indiese- en Stille Oseaangebied, die Rooisee en aan die ooskus van Afrika tot by sentraal KwaZulu-Natal. In Engels staan die vis bekend as die Snubnose pompano.
| Stompneus-pompano | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | T. blochii
|
| Binomiale naam | |
| Trachinotus blochii (Lacepède, 1801)
| |
Identifikasie wysig
Die vis word tot 65 cm lank en word gekenmerk deur 'n stomp, geronde snoet en ovaalvormige lyf. Die vis is silwerkleurig wat neig na silwer-blou. Al die vinne is donkergeel met bruin rante. Die stertvin is wydgevurk en lank. Die voorste gedeeltes van die dorsale en anale vinne is verleng.
Die onvolwasse vissies leef in vlak water wat beskut is bv. strandmere terwyl volwasse visse in vlak kusriwwe leef in water wat tot 50 meter diep is. Hulle vreet hoofsaaklik bodembewoners soos slakke en ander gedopte ongewerweldes.
Sien ook wysig
Bron wysig
- The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3