Trevor Manuel
Trevor Andrew Manuel (* 31 Januarie 1956) was voorsitter van Suid-Afrika se Nasionale Beplanningskommissie. Van 1996 tot 2009 het hy die pos van Minister van Finansies beklee wat hom in 2009 die langsdienende minister in die pos gemaak het. Hy was minister tydens die presidensie van Nelson Mandela, Thabo Mbeki en Kgalema Motlanthe, en daarna as minister onder voormalige president Jacob Zuma van 2009 tot 2014.[1]
| Trevor Manuel | |
 | |
Minister in presidensie vir die Nasionale Beplanningskommissie
| |
| Ampstermyn 11 Mei 2009 – 25 Mei 2014 | |
| President | Jacob Zuma |
|---|---|
| Voorafgegaan deur | Ministerie geskep |
| Opgevolg deur | Jeff Radebe as minister, Cyril Ramaphosa as voorsitter |
Minister van Finansies
| |
| Ampstermyn 1996 – 2009 | |
| Voorafgegaan deur | Chris Liebenberg |
| Opgevolg deur | Pravin Gordhan |
Persoonlike besonderhede
| |
| Gebore | 31 Januarie 1956 Kaapstad, Suid-Afrika |
| Politieke party | ANC |
| Eggenoot/-note | Maria Ramos |
| Alma mater | Kaapse Skiereiland Universiteit van Tegnologie |
Vroeëre lewe
wysigManual is in Kensington, Kaapstad as die seun van 'n staatsamptenaar gebore, waar hy grootgeword en skoolgegaan het. Hy matrikuleer in 1973 en gaan studeer Siviele en Strukturele Ingenieurswese, en later — gedurende sy gevangenskap — ook regte.
Openbare lewe
wysigManuel betree die openbare lewe in 1981 as Algemene Sekretaris van die Behuisingaksiekomitee vir die Kaapse area, waarna hy 'n lid word van die UDF se Nasionale Uitvoerende Raad.
In September 1985 is Manuel gevange geneem en tot 31 Augustus 1990 verban. Die verbanning word egter op 25 Maart 1986 tersyde gestel na 'n uitspraak dat dit teenstrydig is met die Binnelandse Sekerheidswet. Op 15 Augustus 1986 word Manuel weer inhegtenis geneem en vir twee jaar tot September 1988 onder die noodmaatreëls aangehou. Hy word vrygelaat met streng beperkings, maar is kort daarna weer in September 1988 in hegtenis geneem, dié keer tot Februarie 1989.
Post-apartheid
wysigNá die ontbanning van die ANC is Manuel aangestel as adjunk-koördineerder van die Wes-Kaap. Tydens die ANC se eerste streekskonferensie in 1990 word Manuel as die Sekretaris van Publisiteit verkies.
By die ANC se nasionale konferensie in 1991 is Manual tot die ANC se Nasionale Uitvoerende Komitee verkies. In 1992 word Manuel hoof van die ANC se Departement van Ekonomiese Beplanning. Hy word as 'n ANC-parlementslid in 1994 verkies, en word deur President Nelson Mandela aangestel as Minister van Handel en Nywerheid, en in 1996 as Minister van Finansies.
Die Wêreld Ekonomiese Forum vereer Manuel as 'n "Leader for Tomorrow" in 1994. Hy ontvang ook verskeie internasionale toekennings en erkennings vir wat hy bereik het.
Bedanking en heraanstelling
wysigOp 23 September 2008 bedank Trevor Manuel as die Minister van Finansies saam met 'n aantal ander kabinetslede nadat Thabo Mbeki bedank het, wat tot ontstuimige markte gelei het. Hy gee egter te kenne dat hy bereid is om onder die volgende president te dien en probeer om die markte te kalmeer.[2] Hy behou sy pos as lid in Kgalema Motlanthe se nuwe kabinet wat op 25 September 2008 aangekondig is.[3]
Persoonlike lewe
wysigTrevor Manuel is op 27 Desember 2008 getroud met Maria Ramos op die ouderdom van 52.
Verwysings
wysig- ↑ Perry, Alex (25 Maart 2009). "Trevor Manuel: The Veteran". Time Inc. (in Engels). Geargiveer vanaf die oorspronklike op 26 Augustus 2013. Besoek op 29 Oktober 2010.
- ↑ "Confusion rattles markets", Sapa (IOL), 23 September 2008.
- ↑ "SA se nuwe kabinet", IOL, 25 September 2008.
Eksterne skakels
wysig
Wikimedia Commons het meer media in die kategorie Trevor Manuel.- Manual se profiel op die ANC se webwerf
| Politieke poste | ||
|---|---|---|
| Voorafgegaan deur Ministerie geskep |
Minister in die Presidensie Mei 2009–Mei 2014 |
Opgevolg deur Jeff Radebe |
| Voorafgegaan deur Chris Liebenberg |
Minister van Finansies 1996–2009 |
Opgevolg deur Pravin Gordhan |