Uli Schmidt
Ulrich Louis (Uli) Schmidt (gebore 10 Julie 1961 in Pretoria, Suid-Afrika) is 'n voormalige Springbok-rugbyspeler, en seun van die Springbok Louis Schmidt. Hy het op haker gespeel en het vir die Blou Bulle in die Curriebeker gespeel en later vir die Goue Leeus. Hy was ook later die amptelike spandokter vir die Springbokke.
| |||||
Volle naam | Ulrich Louis Schmidt | ||||
---|---|---|---|---|---|
Geboortedatum | 10 Julie 1961 | ||||
Geboorteplek | Pretoria, Suid-Afrika | ||||
Lengte | 1,8 m | ||||
Gewig | 90 kg | ||||
Skool | Hoërskool Hendrik Verwoerd | ||||
Universiteit | Universiteit van Pretoria | ||||
Vername familie | Louis Schmidt | ||||
Beroep | Geneesheer | ||||
Rugbyloopbaan | |||||
Loopbaan as speler | |||||
Posisie(s) | Haker | ||||
Springbokno. | 544 | ||||
Professionele / senior klubs | |||||
Jare | Klub / span | Weds | (pte) | ||
Weermag RVK | |||||
Provinsiale- / Staatspanne | |||||
Jare | Klub / span | Weds | (pte) | ||
1986-1992 1993-1994 |
Blou Bulle Transvaal |
||||
Nasionale span(ne) | |||||
Jare | Land | Weds | (pte) | ||
1986-1994 | ![]() |
17 | (9) |
Schmidt het sy eerste buiging vir die Springbokspan op 24 jarige ouderdom op 10 Mei 1986 gemaak tydens 'n toets teen die Nieu-Seelandse Kavaliers te Nuweland, 'n wedstryd waarin die Springbokke met 'n telling van 21–15 geseëvier het. Hy het in drie daaropvolgende toetse teen die Nieu-Seelandse span gespeel ook. Hy het daarna in 1989 weer vir die Springbokke in 1989 in twee toetse teen die Wêreld-uitnodigingspan gespeel.
In 1992 het hy twee keer die Springbokspan gehaal in toetse teen die All Blacks en toe weer teen die Wallabies. In die daaropvolgende seisoen het hy vyf keer die Springbokspan gehaal en het hy in twee toetse teen die Franse Hane gespeel het en drie toetse teen die Wallabies in Australië. In 1994 het hy vier keer die Springbokspan gehaal en sy laaste toets vir Suid-Afrika op die 26ste November te Cardiff Arms Park gespeel waar die Springbokke 'n oorwinning oor Wallis behaal het.
In 2006 verhuis Schmidt na Australië waar hy tans aan die Nieu Suid Wallis kus woon en as geneesheer werk.
Hy was ook 'n kommentator vir SuperSport.
Eksterne skakelsWysig
- Uli Schmidt by SARugby.co.za
- Uli Schmidt by www.genslin.us/bokke