Versierde sluimerrog

Die versierde sluimerrog (Electrolux addisoni) is 'n sluimerrog wat moontlik endemies aan Suid-Afrika is. Dit kom aan die kus van KwaZulu-Natal voor. Die spesie is eers in 2007 geklassifiseer. In Engels staan die rog bekend as die Ornate sleeper-ray. Die spesie is die enigste in die genus Electrolux.

Versierde sluimerrog
Bewaringstatus
Kritiek bedreig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Chondrichthyes
Subklas:	Elasmobranchii
Orde:	Torpediniformes
Familie:	Narkidae
Genus:	Electrolux Compagno & Heemstra, 2007
Spesie:	E. addisoni
Binomiale naam
Electrolux addisoni Compagno & Heemstra, 2007

Identifikasie

Die rog se skyf het 'n deursnee 50 cm. Die bokant is donkerbruin tot blougrys. Daar is konsentriese swart ringe op die skyf en wit tot liggeel kolletjies op die rand van die skyf. Die kolletjies kom ook aan die bokant van die stert en dorsale vin voor. Die rog is alleenlopers en kom voor in water wat tot 35 m diep is. Die rog lewer 'n elektriese skok wanneer dit bedreig word as 'n verdedigingsmeganisme. Dit gebruik ook die elektriese meganisme om hul prooi te verlam. Hulle vreet klein vissies en weekdiere. Die seedier is seldsaam.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.se/summary/63783